Euripides, Hecuba, episode 7:

(에우리피데스, Hecuba, episode 7:)

σὺ δ’ αὖ λαβοῦσα τεῦχοσ, ἀρχαία λάτρι, βάψασ’ ἔνεγκε δεῦρο ποντίασ ἁλόσ, ὡσ παῖδα λουτροῖσ τοῖσ πανυστάτοισ ἐμήν, νύμφην τ’ ἄνυμφον παρθένον τ’ ἀπάρθενον, λούσω προθῶμαί θ’ ‐ ὡσ μὲν ἀξία, πόθεν; οὐκ ἂν δυναίμην· ὡσ δ’ ἔχω ‐ τί γὰρ πάθω; ‐ κόσμον τ’ ἀγείρασ’ αἰχμαλωτίδων πάρα, αἵ μοι πάρεδροι τῶνδ’ ἔσω σκηνωμάτων ναίουσιν, εἴ τισ τοὺσ νεωστὶ δεσπότασ λαθοῦσ’ ἔχει τι κλέμμα τῶν αὑτῆσ δόμων. ὦ σχήματ’ οἴκων, ὦ ποτ’ εὐτυχεῖσ δόμοι, ὦ πλεῖστ’ ἔχων κάλλιστά τ’, εὐτεκνώτατε Πρίαμε, γεραιά θ’ ἥδ’ ἐγὼ μήτηρ τέκνων, ὡσ ἐσ τὸ μηδὲν ἥκομεν, φρονήματοσ τοῦ πρὶν στερέντεσ. εἶτα δῆτ’ ὀγκούμεθα, ὃ μέν τισ ἡμῶν πλουσίοισ ἐν δώμασιν, ὃ δ’ ἐν πολίταισ τίμιοσ κεκλημένοσ. τὰ δ’ οὐδὲν ἄλλωσ, φροντίδων βουλεύματα γλώσσησ τε κόμποι. κεῖνοσ ὀλβιώτατοσ, ὅτῳ κατ’ ἦμαρ τυγχάνει μηδὲν κακόν.

일치하는 문장이 없습니다.

SEARCH

MENU NAVIGATION