헬라어 문장 검색 - ΕυριπίΗεξυβά1́

(에우리피데스, Hecuba, episode)

Ἥκω νεκρῶν κευθμῶνα καὶ σκότου πύλασ λιπών, ἵν’ Αἵδησ χωρὶσ ᾤκισται θεῶν, Πολύδωροσ, Ἑκάβησ παῖσ γεγὼσ τῆσ Κισσέωσ Πριάμου τε πατρόσ, ὅσ μ’, ἐπεὶ Φρυγῶν πόλιν κίνδυνοσ ἔσχε δορὶ πεσεῖν Ἑλληνικῷ, δείσασ ὑπεξέπεμψε Τρωικῆσ χθονὸσ Πολυμήστοροσ πρὸσ δῶμα Θρῃκίου ξένου, ὃσ τήν<δ’> ἀρίστην Χερσονησίαν πλάκα σπείρει, φίλιππον λαὸν εὐθύνων δορί. πολὺν δὲ σὺν ἐμοὶ χρυσὸν ἐκπέμπει λάθρᾳ πατήρ, ἵν’, εἴ ποτ’ Ἰλίου τείχη πέσοι, τοῖσ ζῶσιν εἰή παισὶ μὴ σπάνισ βίου. νεώτατοσ δ’ ἦ Πριαμιδῶν, ὃ καί με γῆσ ὑπεξέπεμψεν· οὔτε γὰρ φέρειν ὅπλα οὔτ’ ἔγχοσ οἱο͂́σ τ’ ἦ νέῳ βραχίονι. ἑώσ μὲν οὖν γῆσ ὄρθ’ ἔκειθ’ ὁρίσματα πύργοι τ’ ἄθραυστοι Τρωικῆσ ἦσαν χθονὸσ Ἕκτωρ τ’ ἀδελφὸσ οὑμὸσ εὐτύχει δορί, καλῶσ παρ’ ἀνδρὶ Θρῃκὶ πατρῴῳ ξένῳ τροφαῖσιν ὥσ τισ πτόρθοσ ηὐξόμην, τάλασ· ἐπεὶ δὲ Τροία θ’ Ἕκτορόσ τ’ ἀπόλλυται ψυχή, πατρῴα θ’ ἑστία κατεσκάφη, αὐτὸσ δὲ βωμῷ πρὸσ θεοδμήτῳ πίτνει σφαγεὶσ Ἀχιλλέωσ παιδὸσ ἐκ μιαιφόνου, κτείνει με χρυσοῦ τὸν ταλαίπωρον χάριν ξένοσ πατρῷοσ καὶ κτανὼν ἐσ οἶδμ’ ἁλὸσ μεθῆχ’, ἵν’ αὐτὸσ χρυσὸν ἐν δόμοισ ἔχῃ. κεῖμαι δ’ ἐπ’ ἀκταῖσ, ἄλλοτ’ ἐν πόντου σάλῳ, πολλοῖσ διαύλοισ κυμάτων φορούμενοσ, ἄκλαυτοσ ἄταφοσ· νῦν δ’ ὑπὲρ μητρὸσ φίλησ Ἑκάβησ ἀίσσω, σῶμ’ ἐρημώσασ ἐμόν, τριταῖον ἤδη φέγγοσ αἰωρούμενοσ, ὅσονπερ ἐν γῇ τῇδε Χερσονησίᾳ μήτηρ ἐμὴ δύστηνοσ ἐκ Τροίασ πάρα. πάντεσ δ’ Ἀχαιοὶ ναῦσ ἔχοντεσ ἥσυχοι θάσσουσ’ ἐπ’ ἀκταῖσ τῆσδε Θρῃκίασ χθονόσ·

ὁ Πηλέωσ γὰρ παῖσ ὑπὲρ τύμβου φανεὶσ κατέσχ’ Ἀχιλλεὺσ πᾶν στράτευμ’ Ἑλληνικόν, πρὸσ οἶκον εὐθύνοντασ ἐναλίαν πλάτην· αἰτεῖ δ’ ἀδελφὴν τὴν ἐμὴν Πολυξένην τύμβῳ φίλον πρόσφαγμα καὶ γέρασ λαβεῖν. καὶ τεύξεται τοῦδ’, οὐδ’ ἀδώρητοσ φίλων ἔσται πρὸσ ἀνδρῶν· ἡ πεπρωμένη δ’ ἄγει θανεῖν ἀδελφὴν τῷδ’ ἐμὴν ἐν ἤματι. δυοῖν δὲ παίδοιν δύο νεκρὼ κατόψεται μήτηρ, ἐμοῦ τε τῆσ τε δυστήνου κόρησ. φανήσομαι γάρ, ὡσ τάφου τλήμων τύχω, δούλησ ποδῶν πάροιθεν ἐν κλυδωνίῳ. τοὺσ γὰρ κάτω σθένοντασ ἐξῃτησάμην τύμβου κυρῆσαι κἀσ χέρασ μητρὸσ πεσεῖν. τοὐμὸν μὲν οὖν ὅσονπερ ἤθελον τυχεῖν ἔσται· γεραιᾷ δ’ ἐκποδὼν χωρήσομαι Ἑκάβῃ· περᾷ γὰρ ἥδ’ ὑπὸ σκηνῆσ πόδα Ἀγαμέμνονοσ, φάντασμα δειμαίνουσ’ ἐμόν. φεῦ· ὦ μῆτερ ἥτισ ἐκ τυραννικῶν δόμων δούλειον ἦμαρ εἶδεσ, ὡσ πράσσεισ κακῶσ ὅσονπερ εὖ ποτ’· ἀντισηκώσασ δέ σε φθείρει θεῶν τισ τῆσ πάροιθ’ εὐπραξίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Hecuba, episode

(에우리피데스, Hecuba, episode)

상위

목록

SEARCH

MENU NAVIGATION