Euripides, Hecuba, episode 4:

(에우리피데스, Hecuba, episode 4:)

ὃ δ’ οὐ θέλων τε καὶ θέλων οἴκτῳ κόρησ, τέμνει σιδήρῳ πνεύματοσ διαρροάσ· κρουνοὶ δ’ ἐχώρουν. ἣ δὲ καὶ θνῄσκουσ’ ὅμωσ πολλὴν πρόνοιαν εἶχεν εὐσχήμων πεσεῖν, κρύπτουσ’ ἃ κρύπτειν ὄμματ’ ἀρσένων χρεών. ἐπεὶ δ’ ἀφῆκε πνεῦμα θανασίμῳ σφαγῇ, οὐδεὶσ τὸν αὐτὸν εἶχεν Ἀργείων πόνον· ἀλλ’ οἳ μὲν αὐτῶν τὴν θανοῦσαν ἐκ χερῶν φύλλοισ ἔβαλλον, οἳ δὲ πληροῦσιν πυρὰν κορμοὺσ φέροντεσ πευκίνουσ, ὁ δ’ οὐ φέρων πρὸσ τοῦ φέροντοσ τοιάδ’ ἤκουεν κακά· Ἕστηκασ, ὦ κάκιστε, τῇ νεάνιδι οὐ πέπλον οὐδὲ κόσμον ἐν χεροῖν ἔχων; οὐκ εἶ τι δώσων τῇ περίσσ’ εὐκαρδίῳ ψυχήν τ’ ἀρίστῃ; τοιάδ’ ἀμφὶ σῆσ λέγων παιδὸσ θανούσησ, εὐτεκνωτάτην τέ σε πασῶν γυναικῶν δυστυχεστάτην θ’ ὁρῶ. δεινόν τι πῆμα Πριαμίδαισ ἐπέζεσεν πόλει τε τἠμῇ θεῶν ἀνάγκαισιν τόδε.

일치하는 문장이 없습니다.

SEARCH

MENU NAVIGATION