Euripides, Hecuba, episode 3:

(에우리피데스, Hecuba, episode 3:)

πάντεσ δ’ Ἀχαιοὶ ναῦσ ἔχοντεσ ἥσυχοι θάσσουσ’ ἐπ’ ἀκταῖσ τῆσδε Θρῃκίασ χθονόσ· ὁ Πηλέωσ γὰρ παῖσ ὑπὲρ τύμβου φανεὶσ κατέσχ’ Ἀχιλλεὺσ πᾶν στράτευμ’ Ἑλληνικόν, πρὸσ οἶκον εὐθύνοντασ ἐναλίαν πλάτην· αἰτεῖ δ’ ἀδελφὴν τὴν ἐμὴν Πολυξένην τύμβῳ φίλον πρόσφαγμα καὶ γέρασ λαβεῖν. καὶ τεύξεται τοῦδ’, οὐδ’ ἀδώρητοσ φίλων ἔσται πρὸσ ἀνδρῶν· ἡ πεπρωμένη δ’ ἄγει θανεῖν ἀδελφὴν τῷδ’ ἐμὴν ἐν ἤματι. δυοῖν δὲ παίδοιν δύο νεκρὼ κατόψεται μήτηρ, ἐμοῦ τε τῆσ τε δυστήνου κόρησ. φανήσομαι γάρ, ὡσ τάφου τλήμων τύχω, δούλησ ποδῶν πάροιθεν ἐν κλυδωνίῳ. τοὺσ γὰρ κάτω σθένοντασ ἐξῃτησάμην τύμβου κυρῆσαι κἀσ χέρασ μητρὸσ πεσεῖν. τοὐμὸν μὲν οὖν ὅσονπερ ἤθελον τυχεῖν ἔσται· γεραιᾷ δ’ ἐκποδὼν χωρήσομαι Ἑκάβῃ· περᾷ γὰρ ἥδ’ ὑπὸ σκηνῆσ πόδα Ἀγαμέμνονοσ, φάντασμα δειμαίνουσ’ ἐμόν. φεῦ· ὦ μῆτερ ἥτισ ἐκ τυραννικῶν δόμων δούλειον ἦμαρ εἶδεσ, ὡσ πράσσεισ κακῶσ ὅσονπερ εὖ ποτ’· ἀντισηκώσασ δέ σε φθείρει θεῶν τισ τῆσ πάροιθ’ εὐπραξίασ.

일치하는 문장이 없습니다.

SEARCH

MENU NAVIGATION