헬라어 문장 검색 - Διονψσ́ΔεΤηυξψ́48́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 48)

ἐκ δὲ τῆσ Ἑρμοκράτουσ δημηγορίασ ἐπαινεῖν μὲν ἔχω ταῦτα τὰ κατορθώματα τοῦ συγγραφέωσ· ἀλλ’ οὐ γὰρ δὴ τὴν Ἀθηναίων εὐκατηγόρητον οὖσαν πόλιν νῦν ἥκομεν ἀποφανοῦντεσ ἐν εἰδόσιν, ὅσα ἀδικεῖ· πολὺ δὲ μᾶλλον ἡμᾶσ αὐτοὺσ αἰτιασόμενοι, ὅτι ἔχοντεσ παραδείγματα τῶν ἐκεῖ Ἑλλήνων, ὡσ ἐδουλώθησαν οὐκ ἀμύνοντεσ σφίσιν αὐτοῖσ, καὶ νῦν ἐφ’ ἡμᾶσ τὰ αὐτὰ παρόντα σοφίσματα, Λεοντίνων τε ξυγγενῶν κατοικίσεισ καὶ Αἰγεσταίων ξυμμάχων ἐπικουρίασ, οὐ ξυστραφέντεσ βουλόμεθα προθυμότερον δεῖξαι αὐτοῖσ, ὅτι οὐκ Ιὤνεσ ταῦτά εἰσιν οὐδὲ Ἑλλησπόντιοι καὶ νησιῶται, οἳ δεσπότην ἢ Μῆδον ἢ ἕνα γέ τινα ἀεὶ μεταβάλλοντεσ δουλοῦνται, ἀλλὰ Δωριεῖσ ἐλεύθεροι ἀπ’ αὐτονόμου τῆσ Πελοποννήσου τὴν Σικελίαν οἰκοῦντεσ. ἢ μένομεν, ἑώσ ἂν ἕκαστοι κατὰ πόλεισ ληφθῶμεν, εἰδότεσ ὅτι ταύτῃ μόνον ἁλωτοί ἐσμεν; ταῦτα γὰρ ἐν τῷ σαφεῖ καὶ καθαρῷ τῆσ διαλέκτου τρόπῳ λεγόμενα προσείληφε καὶ τὸ τάχοσ καὶ τὸ κάλλοσ καὶ τὸν τόνον καὶ τὴν μεγαλοπρέπειαν καὶ τὴν δεινότητα, καὶ πάθουσ ἐστὶν ἐναγωνίου μεστά· οἷσ ἂν καὶ ἐν δικαστηρίῳ χρήσαιτό τισ καὶ ἐν ἐκκλησίαισ, καὶ φίλοισ διαλεγόμενοσ.

καὶ ἔτι πρὸσ τούτοισ ἐκεῖνα· εἴ τέ τισ φθονεῖ μὲν ἢ καὶ φοβεῖται ἀμφότερα γὰρ τάδε πάσχει τὰ μείζω, διὰ δ’ αὐτὰ τὰσ Συρακόσσασ κακωθῆναι μέν, ἵνα σωφρονισθῶμεν, βούλεται, περιγενέσθαι δὲ ἕνεκα τῆσ ἑαυτοῦ ἀσφαλείασ, οὐκ ἀνθρωπείασ δυνάμεωσ βούλησιν ἐλπίζει. οὐ γὰρ οἱο͂́ν τε ἅμα τῆσ τε ἐπιθυμίασ καὶ τῆσ τύχησ τὸν αὐτὸν ὁμοίωσ ταμίαν γενέσθαι, καὶ τὰ ἐπὶ τελευτῇ κείμενα τοῦ λόγου· δεόμεθα οὖν καὶ μαρτυρόμεθα, εἰ μὴ πείσομεν, ὅτι ἐπιβουλευόμεθα μὲν ὑπὸ Ιὤνων ἀεὶ πολεμίων, προδιδόμεθα δὲ ὑφ’ ὑμῶν Δωριεῖσ Δωριέων· καὶ εἰ καταστρέψονται ἡμᾶσ Ἀθηναῖοι, ταῖσ μὲν ὑμετέραισ γνώμαισ κρατήσουσι, τῷ δ’ αὑτῶν ὀνόματι τιμηθήσονται, καὶ τῆσ νίκησ οὐκ ἄλλον τινὰ ἆθλον ἢ τὸν τὴν νίκην παρασχόντα λήψονται. ταῦτα μὲν δὴ καὶ τὰ παραπλήσια τούτοισ καλὰ καὶ ζήλου ἄξια ἡγοῦμαι.

ἐκεῖνα δ’ οὐκ οἶδ’ ὅπωσ ἂν ἐπαινέσαιμι· νῦν γὰρ εἰσ τὴν Σικελίαν προφάσει μέν, ᾗ πυνθάνεσθε, διανοίᾳ δέ, ἣν πάντεσ ὑπονοοῦμεν. καί μοι δοκοῦσιν οὐ Λεοντίνουσ βούλεσθαι κατοικίσαι, ἀλλ’ ἡμᾶσ μᾶλλον ἐξοικίσαι. ψυχρὰ γὰρ ἡ παρονομασία καὶ οὐ προσβάλλουσα πάθοσ, ἀλλ’ ἐπιτήδευσιν. καὶ ἔτι τὰ πεπλεγμένα καὶ πολλὰσ τὰσ ἕλικασ ἔχοντα σχήματα ταυτί· καὶ οὐ περὶ τῆσ ἐλευθερίασ ἄρα οὔτε οἵδε τῶν Ἑλλήνων οὔτε οἱ Ἕλληνεσ τῆσ ἑαυτῶν τῷ Μήδῳ ἀντέστησαν, περὶ δὲ τοῦ, οἳ μὲν σφίσιν ἀλλὰ μὴ ἐκείνῳ καταδουλώσεωσ, οἳ δ’ ἐπὶ δεσπότου μεταβολῇ οὐκ ἀξυνετωτέρου, κακοξυνετωτέρου δέ. καὶ ἔτι τὸ κατακορὲσ τῆσ μεταγωγῆσ τῆσ ἔκ τε τοῦ πληθυντικοῦ εἰσ τὸ ἑνικὸν καὶ ἐκ τοῦ περὶ προσώπων λόγου εἰσ τὸ τοῦ λέγοντοσ πρόσωπον· καὶ εἴ τῳ ἄρα παρέστηκε τὸν μὲν Συρακόσιον, ἑαυτὸν δ’ οὐ πολέμιον εἶναι τῷ Ἀθηναίῳ καὶ δεινὸν ἡγεῖται ὑπέρ γε τῆσ ἐμῆσ κινδυνεύειν, ἐνθυμηθήτω οὐ περὶ τῆσ ἐμῆσ μᾶλλον, ἐν ἴσῳ δὲ καὶ τῆσ ἑαυτοῦ ἅμα ἐν τῇ ἐμῇ μαχόμενοσ, τοσούτῳ δὲ καὶ ἀσφαλέστερον, ὅσῳ οὐ προδιεφθαρμένου ἐμοῦ, ἔχων δὲ ξύμμαχον ἐμὲ καὶ οὐκ ἔρημοσ ἀγωνιεῖται·

τόν τε Ἀθηναῖον μὴ τὴν τοῦ Συρακοσίου ἔχθραν κολάσασθαι. ταῦτα γὰρ καὶ μειρακιώδη καὶ περίεργα καὶ τῶν λεγομένων αἰνιγμάτων ἀσαφέστερα. καὶ ἐκεῖνα ἔτι πρὸσ τούτοισ· καὶ εἰ γνώμῃ ἁμάρτοι, τοῖσ αὑτοῦ κακοῖσ ὀλοφυρθεὶσ τάχ’ ἂν ἴσωσ καὶ τοῖσ ἐμοῖσ ἀγαθοῖσ ποτε βουληθείη αὖθισ φθονῆσαι· ἀδύνατον δὲ προεμένῳ καὶ μὴ τοὺσ αὐτοὺσ κινδύνουσ οὐ περὶ τῶν ὀνομάτων, ἀλλὰ περὶ τῶν ἔργων ἐθελήσαντι προσλαβεῖν. οἷσ ἐπιτίθησιν οὐδὲ μειρακίῳ προσῆκον ἐπιφώνημα· λόγῳ μὲν γὰρ τὴν ἡμετέραν δύναμιν σῴζοι ἄν τισ, ἔργῳ δὲ τὴν ἑαυτοῦ σωτηρίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 48

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 48)

상위

목록

SEARCH

MENU NAVIGATION