헬라어 문장 검색 - Διονψσ́ΔεΤηυξψ́23́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 23)

τίσι δὲ αὐτῶν ἐχρήσαντο πάντεσ οἱ πρὸ Θουκυδίδου γενόμενοι συγγραφεῖσ καὶ τίνων ἐπὶ μικρὸν ἥψαντο, ἐξ ἀρχῆσ ἀναλαβών, ὥσπερ ὑπεσχόμην, κεφαλαιωδῶσ διέξειμι· ἀκριβέστερον γὰρ οὕτωσ γνώσεταί τισ τὸν ἴδιον τοῦ ἀνδρὸσ χαρακτῆρα. οἱ μὲν οὖν ἀρχαῖοι πάνυ καὶ ἀπ’ αὐτῶν μόνον γινωσκόμενοι τῶν ὀνομάτων ποίαν τινὰ λέξιν ἐπετήδευσαν, οὐκ ἔχω συμβαλεῖν, πότερα τὴν λιτὴν καὶ ἀκόσμητον καὶ μηδὲν ἔχουσαν περιττόν, ἀλλ’ αὐτὰ τὰ χρήσιμα καὶ ἀναγκαῖα, ἢ τὴν πομπικὴν καὶ ἀξιωματικὴν καὶ ἐγκατάσκευον καὶ τοὺσ ἐπιθέτουσ προσειληφυῖαν κόσμουσ. οὔτε γὰρ διασῴζονται τῶν πλειόνων αἱ γραφαὶ μέχρι τῶν καθ’ ἡμᾶσ χρόνων, οὔθ’ αἱ διασῳζόμεναι παρὰ πᾶσιν ὡσ ἐκείνων οὖσαι τῶν ἀνδρῶν πιστεύονται· ἐν αἷσ εἰσιν αἵ τε Κάδμου τοῦ Μιλησίου καὶ Ἀρισταίου τοῦ Προκοννησίου καὶ τῶν παραπλησίων τούτοισ. οἱ δὲ πρὸ τοῦ Πελοποννησιακοῦ γενόμενοι πολέμου καὶ μέχρι τῆσ Θουκυδίδου παρεκτείναντεσ ἡλικίασ ὁμοίασ ἔσχον ἅπαντεσ ὡσ ἐπὶ τὸ πολὺ προαιρέσεισ, οἵ τε τὴν Ιἄδα προελόμενοι διάλεκτον τὴν ἐν τοῖσ τότε χρόνοισ μάλιστα ἀνθοῦσαν καὶ οἱ τὴν ἀρχαίαν Ἀτθίδα μικράσ τινασ ἔχουσαν διαφορὰσ παρὰ τὴν Ιἄδα. πάντεσ γὰρ οὗτοι, καθάπερ ἔφην, περὶ τὴν κυρίαν λέξιν μᾶλλον ἐσπούδασαν ἢ περὶ τὴν τροπικήν, ταύτην δὲ ὥσπερ ἥδυσμα παρελάμβανον, σύνθεσίν τε ὀνομάτων ὁμοίαν ἅπαντεσ ἐπετήδευσαν τὴν ἀφελῆ καὶ ἀνεπιτήδευτον, καὶ οὐδ’ ἐν τῷ σχηματίζειν τὰσ λέξεισ καὶ τὰσ νοήσεισ ἐξέβησαν ἐπὶ πολὺ τῆσ τετριμμένησ καὶ κοινῆσ καὶ συνήθουσ ἅπασι διαλέκτου. τὰσ μὲν οὖν ἀναγκαίασ ἀρετὰσ ἡ λέξισ αὐτῶν πάντων ἔχει καὶ γὰρ καθαρὰ καὶ σαφὴσ καὶ σύντομόσ ἐστιν ἀποχρώντωσ, σῴζουσα τὸν ἴδιον ἑκάστη τῆσ διαλέκτου χαρακτῆρα·

τὰσ δ’ ἐπιθέτουσ, ἐξ ὧν μάλιστα διάδηλοσ ἡ τοῦ ῥήτοροσ γίνεται δύναμισ, οὔτε ἁπάσασ οὔτε εἰσ ἄκρον ἡκούσασ, ἀλλ’ ὀλίγασ καὶ ἐπὶ βραχύ, ὕψοσ λέγω καὶ καλλιρημοσύνην καὶ σεμνολογίαν καὶ μεγαλοπρέπειαν· οὐδὲ δὴ τόνον οὐδὲ βάροσ οὐδὲ πάθοσ διεγεῖρον τὸν νοῦν οὐδὲ τὸ ἐρρωμένον καὶ ἐναγώνιον πνεῦμα, ἐξ ὧν ἡ καλουμένη γίνεται δεινότησ· πλὴν ἑνὸσ Ἡροδότου. οὗτοσ δὲ κατά τε τὴν ἐκλογὴν τῶν ὀνομάτων καὶ κατὰ τὴν σύνθεσιν καὶ κατὰ τὴν τῶν σχηματισμῶν ποικιλίαν μακρῷ δή τινι τοὺσ ἄλλουσ ὑπερεβάλετο, καὶ παρεσκεύασε τῇ κρατίστῃ ποιήσει τὴν πεζὴν φράσιν ὁμοίαν γενέσθαι πειθοῦσ τε καὶ χαρίτων καὶ τῆσ εἰσ ἄκρον ἡκούσησ ἡδονῆσ ἕνεκα· ἀρετάσ τε τὰσ μεγίστασ καὶ λαμπροτάτασ ἔξω τῶν ἐναγωνίων οὐδὲν ἐν ταύταισ ἐνέλιπεν, εἴ τε οὐκ εὖ πεφυκὼσ πρὸσ αὐτὰσ εἴ τε κατὰ λογισμόν τινα ἑκουσίωσ ὑπεριδὼν ὡσ οὐχ ἁρμοττουσῶν ἱστορίαισ.

οὔτε γὰρ δημηγορίαισ πολλαῖσ ὁ ἀνὴρ οὐδ’ ἐναγωνίοισ κέχρηται λόγοισ, οὔτ’ ἐν τῷ παθαίνειν καὶ δεινοποιεῖν τὰ πράγματα τὴν ἀλκὴν ἔχει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 23

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 23)

상위

목록

SEARCH

MENU NAVIGATION