헬라어 문장 검색 - Διονψσ́ΔεΛψσιά18́

(디오니시오스, chapter 18)

ἐν δὲ τῷ διηγεῖσθαι τὰ πράγματα, ὅπερ οἶμαι μέροσ πλείστησ δεῖται φροντίδοσ καὶ φυλακῆσ, ἀναμφιλόγωσ ἡγοῦμαι κράτιστον αὐτὸν εἶναι πάντων ῥητόρων, ὁρ́ον τε καὶ κανόνα τῆσ ἰδέασ ταύτησ αὐτὸν ἀποφαίνομαι. οἰόμαι δὲ καὶ τὰσ τέχνασ τῶν λόγων, ἐν αἷσ εἴρηταί τι περὶ διηγήσεωσ ἀξιόλογον, οὐκ ἐξ ἄλλων τινῶν μᾶλλον ἢ τῶν ὑπὸ Λυσίου γραφεισῶν εἰληφέναι τὰ παραγγέλματα καὶ τὰσ ἀφορμάσ. καὶ γὰρ τὸ σύντομον μάλιστα αὗται ἔχουσιν αἱ διηγήσεισ καὶ τὸ σαφὲσ ἡδεῖαί τέ εἰσιν ὡσ οὐχ ἕτεραι καὶ πιθαναὶ καὶ τὴν πίστιν ἅμα λεληθότωσ συνεπιφέρουσιν, ὥστε μὴ ῥᾴδιον εἶναι μήθ’ ὅλην διήγησιν μηδεμίαν μήτε μέροσ αὐτῆσ ψευδὲσ ἢ ἀπίθανον εὑρεθῆναι· τοσαύτην ἔχει πειθὼ καὶ ἀφροδίτην τὰ λεγόμενα καὶ οὕτωσ λανθάνει τοὺσ ἀκούοντασ εἴτ’ ἀληθῆ ὄντα εἴτε πεπλασμένα. ὥσθ’ ὅπερ Ὅμηροσ ἐπαινῶν τὸν Ὀδυσσέα ὡσ πιθανὸν εἰπεῖν καὶ πλάσασθαι τὰ μὴ γενόμενα εἴρηκε, τοῦτό μοι δοκεῖ κἂν ἐπὶ Λυσίου τισ εἰπεῖν· εἶσκεν ψεύδεα πολλὰ λέγων ἐτύμοισιν ὁμοῖα. πᾶσί τε καὶ παντὸσ μάλιστα τοῦτο παρεκελευσάμην ἀσκεῖν τὸ μέροσ ἐν τοῖσ Λυσίου παραδείγμασι ποιουμένουσ τὰσ γυμνασίασ. κράτιστα γὰρ ἂν ἀποδείξαιτο ταύτην τὴν ἰδέαν ὁ μάλιστα τοῦτον τὸν ἄνδρα μιμησάμενοσ.

ἐν δὲ τῷ πιστοῦσθαι τὰ πράγματα τοιοῦτόσ τισ ὁ ἀνήρ ἐστιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, chapter 18

(디오니시오스, chapter 18)

상위

목록

SEARCH

MENU NAVIGATION