Dionysius of Halicarnassus, chapter 17 2:

(디오니시오스, chapter 17 2:)

οὐ μόνον τοίνυν ἡμᾶσ, ὦ ἄνδρεσ δικασταί, εἰκόσ ἐστι τἀληθῆ μεμαρτυρηκέναι ἀλλὰ καὶ τοὺσ ἄλλουσ συγγενεῖσ. ἐνθυμήθητε γὰρ πρῶτον μέν, ὅτι οἱ τὰσ ἀδελφὰσ ἡμῶν ἔχοντεσ οὐκ ἄν ποτε ἐμαρτύρουν περὶ τούτου τὰ ψευδῆ. μητρυιὰ γὰρ ἡ τούτου μήτηρ ἐγεγένητο ταῖσ ἡμετέραισ ἀδελφαῖσ. εἰώθασι δέ πωσ ὡσ ἐπὶ τὸ πολὺ διαφέρεσθαι ἀλλήλαισ αἵ τε μητρυιαὶ καὶ αἱ πρόγονοι. ὥστε εἰ οὗτοσ ἐξ ἄλλου τινὸσ ἀνδρὸσ ἦν τῇ μητρυιᾷ καὶ οὐκ ἐκ τοῦ ἡμετέρου πατρόσ, οὐκ ἄν ποτε, ὦ ἄνδρεσ δικασταί, τοὺσ ἑαυτῶν ἄνδρασ αἱ ἀδελφαὶ μαρτυρεῖν ἐπέτρεψαν. καὶ μὴν οὐδ’ ἂν ὁ θεῖοσ πρὸσ μητρὸσ ἡμῖν ὤν, τούτῳ δὲ οὐδὲν προσήκων δήπου τῇ τούτου μητρὶ ἠθέλησεν ἄν, ὦ ἄνδρεσ δικασταί, μαρτυρῆσαι ψευδῆ μαρτυρίαν, δι’ ἣν ἡμῖν γίνεται βλάβη περιφανήσ, εἴπερ ξένον ὄντα τοῦτον εἰσποιοῦμεν ἀδελφὸν ἡμῖν αὐτοῖσ. ἔτι τοίνυν, ὦ ἄνδρεσ δικασταί, πρὸσ τούτοισ πῶσ ἄν τισ ὑμῶν καταγνοίη ψευδομαρτυριῶν Δημαράτου τουτουὶ καὶ Ἡγήμονοσ καὶ Νικοστράτου; οἳ πρῶτον μὲν οὐδὲν αἰσχρὸν οὐδέποτε φανήσονται ἐπιτηδεύσαντεσ, εἶτα δ’ οἰκεῖοι ὄντεσ ἡμῖν καὶ εἰδότεσ ἡμᾶσ ἅπαντασ μεμαρτυρήκασιν Εὐφιλήτῳ τούτῳ τὴν αὑτοῦ συγγένειαν ἕκαστοσ.

일치하는 문장이 없습니다.

SEARCH

MENU NAVIGATION