Dionysius of Halicarnassus, chapter 14

(디오니시오스, chapter 14)

εἰρηκὼσ δὲ καὶ περὶ τῶν πραγμάτων ὅτι δεινότερόσ ἐστιν οἰκονομῆσαι Λυσίου καὶ ὅλουσ τοὺσ λόγουσ καὶ τὰ μέρη αὐτῶν καὶ οὐδὲν ἔξω ποιῶν τῆσ τέχνησ, ᾗ μετὰ ταῦτα πολλῇ ὁ Δημοσθένησ ἐχρήσατο, βούλομαι καὶ τὰσ ὑπὲρ τούτων παρασχέσθαι πίστεισ. ἔσται δὲ κεφαλαιώδησ τε καὶ ὡσ πρὸσ ἀνεγνωκότασ τὸν ἄνδρα ὁ λόγοσ· οὐ γὰρ ἐγχωρεῖ παραδείγματα πάντων τιθέναι. αὐτίκα τὰσ διηγήσεισ τότε μὲν ἀπροκατασκευάστουσ καὶ συντόμουσ καὶ οὐδὲν προκαταλαμβανούσασ τῶν ἀποδεικτικῶν ἐν τῇ προσηκούσῃ τίθησι χώρᾳ, καθάπερ ἐν τῷ πρὸσ Μέδοντα ποιεῖ λόγῳ καὶ ἐν τῷ πρὸσ Ἁγνόθεον καὶ ἐν τῇ πρὸσ τοὺσ δημότασ ἀμφισβητήσει περὶ τοῦ χωρίου καὶ ἐν ἄλλοισ συχνοῖσ. τότε δὲ μερίσασ αὐτὰσ κατὰ κεφάλαια καὶ παρ’ ἕκαστον αὐτῶν τὰσ πίστεισ παρατιθεὶσ ἐκμηκύνει τε μᾶλλον καὶ ἐκβαίνει τὸ τῆσ διηγήσεωσ σχῆμα, τῷ συμφέροντι χρώμενοσ. ταύτησ ἐστὶ τῆσ ἰδέασ ἥ τε πρὸσ Ἕρμωνα ὑπὲρ τῆσ ἐγγύησ ἀπολογία καὶ ἡ πρὸσ Εὐκλείδην ἀμφισβήτησισ ὑπὲρ τῆσ τοῦ χωρίου λύσεωσ καὶ ἡ ὑπὲρ Εὐφιλήτου πρὸσ τὸν Ἐρχιέων δῆμον ἔφεσισ. ἐν γὰρ δὴ τοῖσ λόγοισ τούτοισ μακροτέρασ τὰσ διηγήσεισ οὔσασ οὐχ ἅμα τίθησιν ὅλασ, ἀλλὰ κατὰ μέρη διαλαμβάνων ἐφ’ ἑκάστῳ κεφαλαίῳ τούσ τε μάρτυρασ ἐπάγεται καὶ τὰσ ἄλλασ παρέχεται πίστεισ, δεδοικώσ, παρ’ ὅσα γοῦν ἐμοὶ δοκεῖ, μὴ δυσπαρακολούθητοσ γένηται διὰ τὸ πλῆθοσ τῶν κεφαλαίων ὁ λόγοσ καὶ πελαγίσῃ, αἵ τε πίστεισ εἰσ ἓν χωρίον ἅπασαι συναχθεῖσαι, πολλαὶ καὶ περὶ πολλῶν οὖσαι πραγμάτων, μὴ συνταράξωσι τὴν σαφήνειαν. τοιγάρτοι μετὰ τὰσ διηγήσεισ τὰσ οὕτωσ ᾠκονομημένασ οὐκ ἔτι τὰσ προηγουμένασ ἀποδείξεισ πολλοῖσ βεβαιοῦται λόγοισ οὐδ’ ἔστιν ὅμοιοσ τοῖσ νέοισ τεχνογράφοισ, ἀλλὰ τὰσ τῶν ἀντιδίκων πίστεισ ἀναιρεῖν οἰέται δεῖν.

일치하는 문장이 없습니다.

SEARCH

MENU NAVIGATION