Dionysius of Halicarnassus, chapter 11

(디오니시오스, chapter 11)

τίσ ἂν οὖν οὐκ ἂν ὁμολογήσειε τὸν μὲν Λυσίου νέον καὶ ἰδιώτην καὶ ἀπράγμονα ἀρχέτυπόν τινα εἶναι τῆσ ἀληθείασ διαφέροντα ἐκείνησ οὐδ’ ὁτιοῦν, τὸν ἕτερον δὲ ἀπόγραφόν τινα καὶ οὐ λανθάνοντα ὅτι πέπλασται ῥητορικῇ τέχνῃ; καὶ γὰρ αἱ λέξεισ καὶ τὰ νοήματα παρ’ ἐκείνῳ μὲν τὸ αὐτοφυέσ, παρὰ δὲ τούτῳ τὸ κατασκευαστὸν ἀποφαίνουσιν. ὃ μέν γε ἀρχῇ κέχρηται, ὅτι νέοσ τε καὶ ἄπειροσ εἰή πραγμάτων καὶ οὐδὲν δεόμενοσ εἰσ δικαστήριον εἰσιέναι. καὶ ἐπιφέρει πάνυ ἠθικῶσ· ἐγὼ οὖν σε ἀξιῶ μὴ εὑρ́εμα ἡγεῖσθαι τὴν ἡλικίαν τὴν ἐμήν. καὶ τὸ μετὰ τοῦτο, ὡσ φύσιν εἶχε γενέσθαι τε καὶ ῥηθῆναι, λέγει· ὡσ ἐπὶ διαιτητὰσ ἠξίουν τοὺσ κοινοὺσ ἐλθεῖν φίλουσ κἄν δόξῃσ ἀληθῆ λέγειν ἐκείνοισ, οὐδέν σοι δεήσει πραγμάτων, ἀλλὰ λαβὼν ἄπει τὰ σαυτοῦ. καὶ τὰ λοιπὰ ἐν ἤθει χρηστᾷ διεξελθὼν τελευτῶν ἐπιτίθησι· ταῦτ’ ἐμοῦ προκαλουμένου οὐδεπώποτε ἠθέλησε συνελθεῖν. ὁ δὲ Ἰσαῖοσ τουτὶ μὲν τὸ μέροσ τὸ· παρὰ τὴν ἑαυτοῦ γνώμην ἠναγκάσθαι λέγειν ἐν δικαστηρίῳ νέον ὄντα ἐπὶ τελευτῇ τοῦ προοιμίου τίθησιν. ἄρχεται δὲ ἀπὸ διανοίασ οὐ φαύλησ μὰ Δία οὐδὲ ἰδιωτικῆσ, ἀνιαρότερον εἶναι λέγων πρὸσ τοιούτουσ ἀπέχθεσθαι, μεθ’ ὧν ἀνάγκην εἶναι τῶν τιμιωτάτων κοινωνεῖν. ἔπειτα ἀπολύεταί τι τῶν μελλόντων αὐτὸν λυπεῖν, τὸ δὴ πολλοὺσ ὄντασ τοὺσ δημότασ πρὸσ αὐτὸν ἀντιδικεῖν. συντίθησί τε τὰ ὀνόματα οὐ φαύλωσ μὰ Δία οὐδ’ ὡσ ἄν ἰδιώτησ· ἀδικοῦμαι γὰρ ὑπὸ τῶν δημοτῶν, φησίν, οὓσ περιορᾶν μὲν οὐ ῥᾴδιον ἀποστεροῦντασ, ἀπέχθεσθαι δ’ ἀηδέσ, μεθ’ ὧν ἀνάγκη καὶ συνθύειν καὶ συνουσίασ κοινὰσ ποιεῖσθαι.

ἡ γὰρ ἀηδὴσ ἀπέχθεια καὶ αἱ κοιναὶ συνουσίαι τεχνικώτερον σύγκεινται μᾶλλον ἤ ἀφελέστερον, καὶ ἔτι τὸ πολλῶν μοι καὶ δυσκόλων συμπιπτόντων οὐχ ἡγούμην δεῖν κατοκνῆσαι δι’ ὑμῶν πειρᾶσθαι τυγχάνειν τῶν δικαίων. ἥκιστα γὰρ ἰδιώτησ ἂν οὕτωσ· οὐχ ἡγούμην δεῖν κατοκνῆσαι οὐδέ γε τὸ δἰ ὑμῶν πειρᾶσθαι τυγχάνειν τῶν δικαίων, ἀλλ’ ἐκείνωσ πωσ μᾶλλον· τοσούτων γέ μοι συμπιπτόντων δυσκόλων ἐφ’ ὑμᾶσ ἠνάγκασμαι καταφυγεῖν, ἵνα τῶν δικαίων τύχω δι’ ὑμῶν.

일치하는 문장이 없습니다.

SEARCH

MENU NAVIGATION