Dionysius of Halicarnassus, chapter 8

(디오니시오스, chapter 8)

καὶ τὰ λοιπὰ δὲ τῶν προοιμίων μέρη παρ’ ᾧ μὲν ἀφελέστερον ἄν τισ εὑρ́οι λεγόμενα, παρ’ ᾧ δὲ ῥητορικώτερον. ἐν ἑτέρῳ δὲ ἀγῶνι πάλιν ὁ μὲν Ἰσαῖοσ ἐπιτρόπῳ τινὶ συντάξασ ἀπολογίαν ὑπὸ τοῦ ἰδίου ἀδελφιδοῦ κρινομένῳ τοιαύτῃ κέχρηται τῇ ἀρχῇ· ἐβουλόμην μέν, ὦ ἄνδρεσ δικασταί, μὴ λίαν οὕτωσ Ἁγνόθεον πρὸσ χρήματ’ ἔχειν αἰσχρῶσ, ὥστε τοῖσ ἀλλοτρίοισ ἐπιβουλεύειν καὶ δίκασ τοιαύτασ λαγχάνειν, ἀλλ’ ὄντα γε οὖν ἀδελφιδοῦν ἐμὸν καὶ κύριον τῆσ πατρῴασ οὐσίασ οὐ μικρᾶσ ἀλλ’ ἱκανῆσ ὥστε καὶ λειτουργεῖν, ὑφ’ ἡμῶν αὐτῷ παραδοθείσησ, ταύτησ ἐπιμελεῖσθαι, τῶν δ’ ἐμῶν μὴ ἐπιθυμεῖν· ἵνα βελτίων τ’ ἐδόκει πᾶσιν εἶναι σῴζων αὐτὴν καὶ πλείω ποιῶν χρησιμώτερον ὑμῖν πολίτην παρεῖχεν ἑαυτόν. ἐπεὶ δὲ τὴν μὲν ἀνῄρηκε καὶ πέπρακε καὶ αἰσχρῶσ καὶ κακῶσ διολώλεκεν, ὡσ οὐκ ἂν ἐβουλόμην, πιστεύων δ’ ἑταιρίαισ καὶ λόγων παρασκευαῖσ ἐπὶ τὴν ἐμὴν ἐλήλυθεν, ἀνάγκη, ὡσ ἐοίκε, συμφορὰν μὲν εἶναι νομίζειν, ὅτι τοιοῦτόσ ἐστιν οἰκεῖοσ ὤν, ἀπολογεῖσθαι δὲ περὶ ὧν ἐγκέκληκε καὶ ἔξω με τοῦ πράγματοσ διαβέβληκεν ὡσ ἂν οὖν δυνώμεθα προθυμότατα πρὸσ ὑμᾶσ. ὁ δὲ Λυσίασ ἀνδρὶ ὑπὸ τῶν ἀδελφῶν τῆσ ἑαυτοῦ γυναικὸσ ἐγκαλουμένῳ κακῆσ ἐπιτροπῆσ συγγράψασ λόγον τοιούτῳ κέχρηται τῷ προοιμίῳ· οὐχ ἱκανόν, ὦ ἄνδρεσ δικασταί, τοῖσ ἐπιτρόποισ, ὅσα πράγματα διὰ τὴν ἐπιτροπείαν ἔχουσιν, ἀλλὰ καὶ διασῴζοντεσ τὰσ τῶν φίλων οὐσίασ συκοφαντοῦνται ὑπὸ τῶν ὀρφανῶν πολλοί. ὅπερ κἀμοὶ νῦν συμβέβηκεν. ὦ ἄνδρεσ δικασταί, καταλειφθεὶσ ἐπίτροποσ τῶν Ἱπποκράτουσ χρημάτων καὶ διαχειρίσασ ὀρθῶσ καὶ δικαίωσ τὴν οὐσίαν καὶ παραδοὺσ τοῖσ υἱοῖσ δοκιμασθεῖσι τὰ χρήματα, ὧν ἐπίτροποσ κατελείφθην, συκοφαντοῦμαι νῦν ὑπ’ αὐτῶν ἀδίκωσ.

일치하는 문장이 없습니다.

SEARCH

MENU NAVIGATION