Dionysius of Halicarnassus, chapter 17 1:

(디오니시오스, chapter 17 1:)

ὥστε οὐκ ἄν γε δι’ ἐρημίαν τοῦτον εἰσεποιεῖτο. ἀλλὰ μὴν οὐδὲ τροφῆσ τε καὶ εὐπορίασ τῆσ παρὰ τούτου δεόμενοσ. ἔστι γὰρ αὐτῷ βίοσ ἱκανὸσ καὶ χωρὶσ τούτου μεμαρτύρηται ὑμῖν τοῦτον ἐκ παίδων τρέφων καὶ ἀσκῶν καὶ εἰσ τοὺσ φράτερασ εἰσάγων· καὶ ταῦτα οὐ μικρὰ δαπανήματά ἐστιν. ὥστε τόν τε πατέρα ἡμῶν οὐκ εἰκόσ ἐστιν, ὦ ἄνδρεσ δικασταί, μηδὲν ὠφελούμενον οὕτωσ ἀδίκῳ πράγματι ἐπιχειρῆσαι. ἀλλὰ μὴν οὐδ’ ἐμέ γε οὐθεὶσ ἀνθρώπων οὕτωσ τελέωσ ἂν ἄφρονα ὑπολάβοι, ὥστε τούτῳ μαρτυρεῖν τὰ ψευδῆ, ὅπωσ τὰ πατρῷα διὰ πλειόνων διανείμωμαι. καὶ γὰρ οὐδ’ ἀμφισβητῆσαί μοι ἐξουσία γένοιτ’ ἂν ὕστερον, ὡσ οὐκ ἔστιν ἀδελφὸσ οὗτοσ. ἐμοῦ γὰρ οὐθεὶσ ἂν ὑμῶν τὴν φωνὴν ἀνάσχοιτ’ ἂν ἀκούων, εἰ νῦν μὲν ὑπόδικον ἐμαυτὸν καθιστὰσ μαρτυρῶ, ὡσ ἔστιν ἀδελφὸσ ἡμέτεροσ, ὕστερον δὲ φαινοίμην τούτοισ ἀντιλέγων.

일치하는 문장이 없습니다.

SEARCH

MENU NAVIGATION