헬라어 문장 검색 - Διονψσ́ΔεΙσαεό16́

(디오니시오스, chapter 16)

ἐρῶ δὲ καὶ κεφαλαιωδῶσ περὶ ταύτησ τῆσ ἰδέασ ἣν ἐγὼ δόξαν ἔχω καὶ τίνι διαφέρειν οἰόμαι τὸν Ἰσαῖον τοῦ Λυσίου. τοῦ Λυσίου μὲν δή τισ ἀναγινώσκων τὰσ διηγήσεισ οὐδὲν ἂν ὑπολάβοι λέγεσθαι κατὰ τέχνην ἢ πονηρίαν, ἀλλ’ ὡσ ἡ φύσισ καὶ ἡ ἀλήθεια φέρει, αὐτὸ τοῦτο ἀγνοῶν τῆσ τέχνησ, ὅτι τὸ μιμήσασθαι τὴν φύσιν αὐτῆσ μέγιστον ἔργον ἦν. ἐπὶ δὲ τῶν Ἰσαίου διηγημάτων τοὐναντίον ἂν πάθοι, μηδὲν ὑπολαβεῖν αὐτοφυῶσ καὶ ἀπραγματεύτωσ λέγεσθαι μηδ’ εἴ τινα ὡσ ἔτυχε γενόμενα εἴρηται, ἐκ κατασκευῆσ δὲ πάντα καὶ μεμηχανημένα πρὸσ ἀπάτην ἢ ἄλλην τινὰ κακουργίαν. καὶ τῷ μὲν ἂν καὶ τὰ ψευδῆ λέγοντι πιστεύσειεν ἄν, τῷ δὲ μηδ’ ἂν ἀληθεύῃ, χωρὶσ ὑποψίασ προσέξει. ἐν δὲ τοῖσ ἀποδεικτικοῖσ διαλλάττειν ἂν δόξειεν Ἰσαῖοσ Λυσίου τῷ τε μὴ κατ’ ἐνθύμημά τι λέγειν ἀλλὰ κατ’ ἐπιχείρημα καὶ τῷ μὴ βραχέωσ ἀλλὰ διεξοδικῶσ μηδὲ ἁπλῶσ ἀλλ’ ἀκριβῶσ αὔξειν τε μᾶλλον καὶ δεινότερα ποιεῖν τὰ πράγματα καὶ τὰ πάθη ποιεῖν γεννικώτερα. ἐν γὰρ δὴ τούτοισ οὐχ ἧττόν ἐστι φανερὸσ τῇ Δημοσθένουσ τέχνῃ τὰσ ἀφορμὰσ δεδωκώσ, ἀλλ’ οὐ τὴν Λυσίου διώκων ἀφέλειαν, ὡσ ἐκ πολλῶν ἔστι λόγων, μᾶλλον δὲ ἐκ πάντων τῶν γραφέντων ὑπ’ ατοῦ τεκμήρασθαι. εἰ δέ τι δεῖ καὶ παραδείγμασι χρῆσθαι, μή τισ ἀναπόδεικτα δόξῃ λέγειν ἡμᾶσ, ποιήσω καὶ τοῦτο, προχειρισάμενοσ τὸν ὑπὲρ Εὐφιλήτου λόγον, ἐν ᾇ τὸν Ἐρχιέων δῆμον εἰσ τὸ δικαστήριον προσκαλεῖταί τισ τῶν ἀποψηφισθέντων ὡσ ἀδίκωσ τῆσ πολιτείασ ἀπελαυνόμενοσ.

ἐγράφη γὰρ δή τισ ὑπὸ τῶν Ἀθηναίων νόμοσ ἐξέτασιν γενέσθαι τῶν πολιτῶν κατὰ δήμουσ, τὸν δὲ ἀποψηφισθέντα ὑπὸ τῶν δημοτῶν τῆσ πολιτείασ μὴ μετέχειν, τοῖσ δὲ ἀδίκωσ ἀποψηφισθεῖσιν ἔφεσιν εἰσ τὸ δικαστήριον εἶναι, προσκαλεσαμένοισ τοὺσ δημότασ, καὶ ἐὰν τὸ δεύτερον ἐξελεγχθῶσι, πεπρᾶσθαι αὐτοὺσ καὶ τὰ χρήματα εἶναι δημόσια. κατὰ τοῦτον τὸν νόμον ὁ Εὐφίλητοσ προσκαλεσάμενοσ τοὺσ Ἐρχιέασ ὡσ ἀδίκωσ καταψηφισαμένουσ αὐτοῦ τὸν ἀγῶνα τόνδε διατίθεται. προείρηται μὲν δὴ τὰ πράγματα ταῦτ’ ἀκριβῶσ καὶ πεπίστωται διὰ τῶν μαρτύρων, οἷσ δὲ βεβαίασ βούλεται ποιῆσαι τὰσ μαρτυρίασ, τάδε ἐστίν, ὡσ μὲν ἐγὼ δόξησ ἔχω, πάντ’ ἀκριβῶσ ἐξειργασμένα.

κρινέτω δὲ ὁ βουλόμενοσ, εἰ τὰ προσήκοντα ἔγνωκα περὶ αὐτῶν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, chapter 16

(디오니시오스, chapter 16)

상위

목록

SEARCH

MENU NAVIGATION