헬라어 문장 검색 - Διονψσ́ΔεΙσαεό07́

(디오니시오스, chapter 7)

τί δὴ ταῦτα τὰ προοίμια ἀλλήλων διαφέρει; παρὰ Λυσίᾳ μὲν ἡδεῖά ἐστιν ἡ εἰσβολὴ καὶ δι’ οὐδὲν ἄλλο μᾶλλον ἢ ὅτι φυσικῶσ πωσ εἴρηται καὶ ἀφελῶσ· ἀναγκαῖόν μοι δοκεῖ εἶναι, ὦ ἄνδρεσ δικασταί, περὶ τῆσ φιλίασ τῆσ ἐμῆσ καὶ τῆσ Φερενίκου πρῶτον εἰπεῖν πρὸσ ὑμᾶσ. καὶ τὸ ἐπιλεγόμενον τούτῳ ἔτι μᾶλλον ἀκατάσκευον φαίνεται εἶναι καί, ὡσ ἂν ἰδιώτησ τισ εἰπεῖν δύναιτο, εἰρημένον· ἵνα μηδεὶσ ὑμῶν θαυμάσῃ, ὅτι ὑπὲρ οὐδενὸσ ὑμῶν πώποτε εἰρηκὼσ πρότερον ὑπὲρ τούτου νῦν λέγω. παρὰ δὲ Ἰσαίῳ κατεσκεύασται τὸ δοκοῦν εἶναι ἀφελὲσ καὶ οὐ λέληθεν, ὅτι ἐστὶ ῥητορικόν· ἐγὼ καὶ πρότερον Εὐμάθει τούτῳ ἐγενόμην χρήσιμοσ δικαίωσ καὶ νῦν, εἴ τι ἔστι κατ’ ἐμέ, πειράσομαι συσσῴζειν αὐτόν. ὑψηλότερά τε γάρ ἐστι καὶ ἧττον ἐκείνων ἀφελέστερα, καὶ ἔτι μᾶλλον τὰ ἐπιφερόμενα· μικρὰ δέ μου ἀκούσατε, ἵνα μηδεὶσ ὑπολάβῃ ὑμῶν, ὡσ ἐγὼ προπετείᾳ ἢ ἄλλῃ τινὶ ἀδικίᾳ πρὸσ τὰ Εὐμάθουσ πράγματα προσῆλθον. ἥ τε γὰρ προπέτεια καὶ ἡ ἀδικία καὶ τὸ πρὸσ τὰ Εὐμάθουσ πράγματα προσελθεῖν πεποιημένοισ μᾶλλον ἐοίκεν ἢ αὐτοφυέσι. καὶ αὖθίσ γε παρὰ μὲν τῷ Λυσίᾳ ἡ πρόφασισ λέγεται ἀνεπιτηδεύτωσ·

ἐμοὶ γάρ, ὦ ἄνδρεσ δικασταί, ξένοσ ἦν Κηφισόδοτοσ ὁ τούτου πατήρ, καὶ ὅτε ἐφεύγομεν, ἐν Θήβαισ παρ’ ἐκείνῳ κατηγόμην καὶ ἐγὼ καὶ ἄλλοσ Ἀθηναίων ὁ βουλόμενοσ. ἡδέωσ τε καὶ ἀφοριστικῶσ τὰ μετὰ ταῦτα ἐπιτίθεται· καὶ πολλὰ καὶ ἀγαθὰ καὶ ἰδίᾳ καὶ δημοσίᾳ παθόντεσ ὑπ’ αὐτοῦ εἰσ τὴν ἡμετέραν αὐτῶν κατήλθομεν. παρὰ δὲ τῷ Ἰσαίῳ πέφρασται περιεργότερον καὶ οὐ μακρὰν ἀπέχει τῆσ Δημοσθένουσ κατασκευῆσ· τριηραρχοῦντοσ γάρ μου ἐπὶ Κηφισοδότου ἄρχοντοσ καὶ λόγου ἀπαγγελθέντοσ πρὸσ τοὺσ οἰκείουσ, ὡσ ἄρα τετελευτηκὼσ εἰήν ἐν τῇ ναυμαχίᾳ, οὔσησ μοι παρακαταθήκησ παρ’ Εὐμάθει τούτῳ. τό τε γὰρ λόγου ἀπαγγελθέντοσ καὶ τὸ ὡσ ἄρα τετελευτηκὼσ εἰήν καὶ τὸ οὔσησ ἐμοὶ παρακαταθήκησ οὐκ ἂν φαίην ἔγωγε ἀφελῶσ εἰρῆσθαι. ἐκείνωσ γὰρ λεγόμενα μᾶλλον ἀποίητα·

ὅτε γὰρ ἐτριηράρχουν καὶ ἀπηγγέλη τοῖσ ἐνθάδε, ὡσ ἄρα τετελευτηκὼσ εἰήν, ἔχων μου παρακαταθήκην Εὐμάθησ οὑτοσί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, chapter 7

(디오니시오스, chapter 7)

상위

목록

SEARCH

MENU NAVIGATION