헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 13, chapter 10)

ἡ δὲ αἰτία τῆσ εἰσ Ἰταλίαν τῶν Κελτῶν ἀφίξεωσ τοιάδε ἦν. Λοκόμων τισ Τυρρηνῶν ἡγεμὼν μέλλων τελευτᾶν τὸν βίον ἀνδρὶ πιστῷ Ἄρροντι ὄνομα παρακατέθετο τὸν υἱὸν ἐπιτροπεύειν· τελευτήσαντοσ δὲ τοῦ Τυρρηνοῦ παραλαβὼν τὴν ἐπιμέλειαν τοῦ παιδίου ὁ Ἄρρων ἐπιμελὴσ καὶ δίκαιοσ γέγονε τῆσ πίστεωσ φύλαξ, καὶ εἰσ ἄνδρασ ἐλθόντι πᾶσαν ἀπέδειξε τῷ παιδὶ τὴν καταλειφθεῖσαν ὑπὸ τοῦ πατρὸσ οὐσίαν. ἀνθ’ ὧν οὐχ ὁμοίασ ἐκομίσατο παρὰ τοῦ μειρακίου χάριτασ. οὔσησ γὰρ αὐτῷ γυναικὸσ εὐμόρφου καὶ νέασ, ἧσ περὶ πλείστου τὴν κοινωνίαν ἐποιεῖτο, σώφρονοσ τὸν ἄλλον χρόνον ἅπαντα γενομένησ ἐρασθεὶσ ὁ νεανίσκοσ ἅμα τῷ σώματι καὶ τὴν διάνοιαν τῆσ ἀνθρώπου διέφθειρεν, καὶ οὐκέτι κρύβδα, ἀλλ’ ἀναφανδὸν ἐζήτει αὐτῇ διαλέγεσθαι.

ἀχθόμενοσ δὴ ὁ Ἄρρων τῷ ἀποσπασμῷ τῆσ γυναικὸσ καὶ ἐφ’ οἷσ ὑβρίζετο πρὸσ ἀμφοτέρων δυσανασχετῶν, τιμωρίαν δὲ οὐ δυνάμενοσ παρ’ αὐτῶν λαβεῖν, ἀποδημίαν ἐστείλατο πρόφασιν αὐτῆσ ποιησάμενοσ ἐμπορίαν. ἀσμένωσ δὲ τοῦ νεανίσκου τὴν ἀπαλλαγὴν αὐτοῦ δεξαμένου καὶ παρασχόντοσ ὅσων εἰσ τὴν ἐμπορίαν ἐδεῖτο, πολλοὺσ μὲν ἀσκοὺσ οἴνου τε καὶ ἐλαίου ταῖσ ἁμάξαισ ἐπιθέμενοσ, πολλοὺσ δὲ φορμοὺσ σύκων ἦγεν εἰσ τὴν Κελτικήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 13, chapter 10

(디오니시오스, Antiquitates Romanae, Books X-XX, book 13, chapter 10)

상위

목록

SEARCH

MENU NAVIGATION