헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 13, chapter 6)

ὑπήκουσαν δὲ αὐτοῦ ταῖσ εὐχαῖσ οἱ θεοί, καὶ ὑπὸ Κελτῶν μετὰ μικρὸν ἡ πόλισ ἑάλω ἄνευ τοῦ Καπιτωλίου. καταφυγόντων δὲ ἐν αὐτῷ τῶν περιφανεστέρων ‐ τὸ γὰρ ἄλλο πλῆθοσ ἐν ταῖσ Ἰταλικαῖσ φεῦγον διεσπάρη πόλεσι ‐ καὶ πολιορκουμένων ὑπὸ Κελτῶν, οἳ παρὰ τὴν Οὐιεντανῶν πόλιν καταφυγόντεσ Ῥωμαῖοι Καιδίκιόν τινα στρατοπεδάρχην ποιοῦσιν· ὁ δὲ Κάμιλλον ἀποδείκνυσι καὶ ταῦτ’ ἀπόντα ἡγεμόνα πολέμου καὶ εἰρήνησ ἐξουσίαν ἔχοντα αὐτοκράτορα. καὶ γενόμενοσ ἡγεμὼν τῆσ πρεσβείασ παρεκάλει Κάμιλλον διαλλαγῆναι πρὸσ τὴν πατρίδα, τὰσ συμφοράσ, ἐν αἷσ ἦν, ἐπιλογισάμενον, δι’ ἃσ ὑπέμεινεν ἐπὶ τὸν ὑβρισθέντα ὑφ’ ἑαυτῆσ καταφυγεῖν.

ὑποτυχὼν δὲ ὁ Κάμιλλοσ εἶπεν·

οὐ δέομαι παρακλήσεωσ, ὦ Καιδίκιε· αὐτὸσ γάρ, εἰ μὴ θᾶττον ὑμεῖσ ἀφίκεσθε κοινωνεῖν με τῶν πραγμάτων ἀξιοῦντεσ, ἕτοιμοσ ἦν ταύτην ἄγων τὴν δύναμιν, ἣν παροῦσαν ὁρᾶτέ μοι, πρὸσ ὑμᾶσ ἥκειν. ὑμῖν δέ, ὦ θεοί τε καὶ δαίμονεσ, ὅσοι τὸν ἀνθρώπινον ἐποπτεύετε βίον, ὧν τε ἤδη τετιμήκατέ μοι πολλὴν οἶδα χάριν, καὶ περὶ τῶν μελλόντων εὔχομαι καλὴν καὶ εὐτυχῆ τῇ πατρίδι γενέσθαι τὴν ἐμὴν κάθοδον. εἰ δὲ ἐνῆν ἀνθρώπῳ τὰ μέλλοντα συμβήσεσθαι προιδεῖν, οὐδέποτ’ ἂν εὐξάμην ἐσ τοιαύτασ ἐλθοῦσαν τυχὰσ τὴν πατρίδα δεηθῆναί μου·

μυριάκισ δ’ ἂν εἱλόμην ἄζηλον γενέσθαι μοι καὶ ἄτιμον τὸν μετὰ ταῦτα βίον ἢ βαρβάρων ἀνθρώπων ὠμότητι γενομένην τὴν Ῥώμην ὑποχείριον ἐπιδεῖν καὶ ἐν ἐμοὶ μόνῳ τὰσ λοιπὰσ ἐλπίδασ τῆσ σωτηρίασ ἔχουσαν. ταῦτ εἰπὼν καὶ τὰσ δυνάμεισ παραλαβὼν ἄφνω τε τοῖσ Κελτοῖσ ἐπιφανεὶσ εἰσ φυγὴν αὐτοὺσ τρέπει καὶ ἐμπεσὼν ἀσυντάκτοισ τε καὶ τεταραγμένοισ δίκην προβάτων κατέσφαξεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 13, chapter 6

(디오니시오스, Antiquitates Romanae, Books X-XX, book 13, chapter 6)

상위

목록

SEARCH

MENU NAVIGATION