헬라어 문장 검색 - Διογεν́Λιϝεσοφ́7́07́

(디오게네스 라에르티오스, Lives of Eminent Philosophers, ISTORIWN Z, Kef. z'. XRGSIPPOS)

Χρύσιπποσ Ἀπολλωνίου Σολεὺσ ἢ Ταρσεύσ, ὡσ Ἀλέξανδροσ ἐν Διαδοχαῖσ, μαθητὴσ Κλεάνθουσ. οὗτοσ πρότερον μὲν δόλιχον ἤσκει, ἔπειτ’ ἀκούσασ Ζήνωνοσ ἢ Κλεάνθουσ, ὡσ Διοκλῆσ καὶ οἱ πλείουσ, ἔτι τε ζῶντοσ ἀπέστη αὐτοῦ καὶ οὐχ ὁ τυχὼν ἐγένετο κατὰ φιλοσοφίαν· ἀνὴρ εὐφυὴσ καὶ ὀξύτατοσ ἐν παντὶ μέρει οὕτωσ ὥστε καὶ ἐν τοῖσ πλείστοισ διηνέχθη πρὸσ Ζήνωνα, ἀλλὰ καὶ πρὸσ Κλεάνθην, ᾧ καὶ πολλάκισ ἔλεγε μόνησ τῆσ τῶν δογμάτων διδασκαλίασ χρῄζειν, τὰσ δὲ ἀποδείξεισ αὐτὸσ εὑρήσειν. μετενόει μέντοι ὁπότε πρὸσ αὐτὸν ἀποτείνοιτο, ὥστε συνεχὲσ προφέρεσθαι ταῦτα· ἐγὼ δὲ τἄλλα μακάριοσ πέφυκ’ ἀνὴρ πλὴν εἰσ Κλεάνθην· τοῦτο δ’ οὐκ εὐδαιμονῶ. Οὕτω δ’ ἐπίδοξοσ ἐν τοῖσ διαλεκτικοῖσ ἐγένετο, ὥστε δοκεῖν τοὺσ πλείουσ ὅτι εἰ παρὰ θεοῖσ ἦν [ἡ] διαλεκτική, οὐκ ἂν ἄλλη ἦν ἢ ἡ Χρυσίππειοσ.

πλεονάσασ δὲ τοῖσ πράγμασι τὴν λέξιν οὐ κατώρθωσε. πονικώτατόσ τε παρ’ ὁντινοῦν γέγονεν, ὡσ δῆλον ἐκ τῶν συγγραμμάτων αὐτοῦ· τὸν ἀριθμὸν γὰρ ὑπὲρ πέντε καὶ ἑπτακόσιά ἐστιν. ἐπλήθυνε δ’ αὐτὰ πολλάκισ ὑπὲρ τοῦ αὐτοῦ δόγματοσ ἐπιχειρῶν καὶ πᾶν τὸ ὑποπεσὸν γράφων καὶ διορθούμενοσ πλεονάκισ πλείστῃ τε τῶν μαρτυριῶν παραθέσει χρώμενοσ· ὥστε καὶ ἐπειδή ποτ’ ἔν τινι τῶν συγγραμμάτων παρ’ ὀλίγον τὴν Εὐριπίδου Μήδειαν ὅλην παρετίθετο καί τισ μετὰ χεῖρασ εἶχε τὸ βιβλίον, πρὸσ τὸν πυθόμενον τί ἄρα ἔχοι, ἔφη, "Χρυσίππου Μήδειαν. Καὶ Ἀπολλόδωροσ δ’ ὁ Ἀθηναῖοσ ἐν τῇ Συναγωγῇ τῶν δογμάτων, βουλόμενοσ παριστάνειν ὅτι τὰ Ἐπικούρου οἰκείᾳ δυνάμει γεγραμμένα καὶ ἀπαράθετα ὄντα μυρίῳ πλείω ἐστὶ τῶν Χρυσίππου βιβλίων, φησὶν οὕτωσ αὐτῇ τῇ λέξει·

"εἰ γάρ τισ ἀφέλοι τῶν Χρυσίππου βιβλίων ὅσ’ ἀλλότρια παρατέθειται, κενὸσ αὐτῷ ὁ χάρτησ καταλελείψεται. " καὶ ταῦτα μὲν Ἀπολλόδωροσ. ἡ δὲ παρεδρεύουσα πρεσβῦτισ αὐτῷ, ὥσ φησι Διοκλῆσ, ἔλεγεν ὡσ πεντακοσίουσ γράφοι στίχουσ ἡμερησίουσ. Ἑκάτων δέ φησιν ἐλθεῖν αὐτὸν ἐπὶ φιλοσοφίαν, τῆσ οὐσίασ αὐτοῦ τῆσ πατρῴασ εἰσ τὸ βασιλικὸν ἀναληφθείσησ. Ἦν δὲ καὶ τὸ σωμάτιον εὐτελήσ, ὡσ δῆλον ἐκ τοῦ ἀνδριάντοσ τοῦ ἐν Κεραμεικῷ, ὃσ σχεδόν τι ὑποκέκρυπται τῷ πλησίον ἱππεῖ·

ὅθεν αὐτὸν ὁ Καρνεάδησ Κρύψιππον ἔλεγεν. οὗτοσ ὀνειδισθεὶσ ὑπό τινοσ ὅτι οὐχὶ παρ’ Ἀρίστωνι μετὰ πολλῶν σχολάζοι, "εἰ τοῖσ πολλοῖσ," εἶπε "προσεῖχον, οὐκ ἂν ἐφιλοσόφησα. " πρὸσ δὲ τὸν κατεξανιστάμενον Κλεάνθουσ διαλεκτικὸν καὶ προτείνοντα αὐτῷ σοφίσματα, "πέπαυσο," εἶπε, "περιέλκων τὸν πρεσβύτην ἀπὸ τῶν πραγματικωτέρων, ἡμῖν δὲ τὰ τοιαῦτα πρότεινε τοῖσ νέοισ. " πάλιν δ’ ἐπεί τισ ζητῶν καταμόνασ αὐτῷ διελέγετο εὐσταθῶσ, ἔπειτα δὲ θεωρῶν προσιόντα ὄχλον ἤρχετο φιλονεικεῖν, ἔφη, οἴμοι, κασίγνητ’, ὄμμα σὸν ταράσσεται· ταχὺσ δὲ μετέθου λύσσαν ἀρτίωσ φρονῶν. Ἐν μέντοι ταῖσ οἰνώσεσιν ἡσύχαζε παραφε·

ρόμενοσ τοῖσ σκέλεσιν, ὥστ’ εἰπεῖν τὴν δούλην, "Χρυσίππου μόνα τὰ σκέλη μεθύει. " οὕτω δ’ ἦν φρονηματίασ ὥστ’ ἐρομένου τινὸσ "τίνι συστήσω τὸν υἱόν; εἰπεῖν, "ἐμοί· καὶ γὰρ εἰ ὑπελάμβανον εἶναί τιν’ ἐμοῦ βελτίονα, παρ’ αὐτῷ ἂν ἐγὼ ἐφιλοσόφουν. " ὅθεν φασὶν ἐπ’ αὐτοῦ λεχθῆναι, οἰο͂σ πέπνυται, τοὶ δὲ σκιαὶ ἀΐσσουσι· καί, εἰ μὴ γὰρ ἦν Χρύσιπποσ, οὐκ ἂν ἦν στοά. Τέλοσ δ’ Ἀρκεσιλάῳ καὶ Λακύδῃ, καθά φησι Σωτίων ἐν τῷ ὀγδόῳ, παραγενόμενοσ ἐν Ἀκαδημείᾳ συνεφιλοσόφησε· δι’ ἣν αἰτίαν καὶ κατὰ τῆσ συνηθείασ καὶ ὑπὲρ αὐτῆσ ἐπεχείρησε, καὶ περὶ μεγεθῶν καὶ πληθῶν τῇ τῶν Ἀκαδημαϊκῶν συστάσει χρησάμενοσ.

Τοῦτον ἐν τῷ ᾨδείῳ σχολάζοντά φησιν Ἕρμιπποσ ἐπὶ θυσίαν ὑπὸ τῶν μαθητῶν κληθῆναι· ἔνθα προσενεγκάμενον γλυκὺν ἄκρατον καὶ ἰλιγγιάσαντα πεμπταῖον ἀπελθεῖν ἐξ ἀνθρώπων, τρία καὶ ἑβδομήκοντα βιώσαντ’ ἔτη, κατὰ τὴν τρίτην καὶ τετταρακοστὴν καὶ ἑκατοστὴν Ὀλυμπιάδα, καθά φησιν Ἀπολλόδωροσ ἐν Χρονικοῖσ. καὶ ἔστιν ἡμῶν παίγνιον εἰσ αὐτόν· ἰλιγγίασε Βάκχον ἐκπιὼν χανδὸν Χρύσιπποσ, οὐδ’ ἐφείσατο οὐ τῆσ στοᾶσ οὐδ’ ἧσ πάτρησ, οὐ τῆσ ψυχῆσ, ἀλλ’ ἦλθε δῶμ’ ἐσ Αἰ̈́δεω. Ἔνιοι δέ φασι γέλωτι συσχεθέντα αὐτὸν τελευτῆσαι·

ὄνου γὰρ τὰ σῦκα αὐτῷ φαγόντοσ, εἰπόντα τῇ γραῒ διδόναι ἄκρατον ἐπιρροφῆσαι τῷ ὄνῳ, ὑπερκαγχάσαντα τελευτῆσαι. Δοκεῖ δ’ ὑπερόπτησ τισ γεγονέναι. τοσαῦτα γοῦν συγγράψασ οὐδενὶ τῶν βασιλέων προσπεφώνηκεν. ἠρκεῖτό τε γραϊδίῳ μόνῳ, καθὰ καὶ Δημήτριοσ ἐν Ὁμωνύμοισ φησί. Πτολεμαίου τε πρὸσ Κλεάνθην ἐπιστείλαντοσ ἢ αὐτὸν ἐλθεῖν ἢ πέμψαι τινά, Σφαῖροσ μὲν ἀπῆλθε, Χρύσιπποσ δὲ περιεῖδε. μεταπεμψάμενοσ δὲ τοὺσ τῆσ ἀδελφῆσ υἱεῖσ, Ἀριστοκρέοντα καὶ Φιλοκράτην, συνεκρότησε. καὶ πρῶτοσ ἐθάρρησε σχολὴν ἔχειν ὕπαιθρον ἐν Λυκείῳ, καθάπερ καὶ ὁ προειρημένοσ Δημήτριοσ ἱστορεῖ. Γέγονε δὲ καὶ ἄλλοσ Χρύσιπποσ Κνίδιοσ ἰατρόσ, παρ’ οὗ φησιν Ἐρασίστρατοσ εἰσ τὰ μάλιστα ὠφελῆσθαι.

καὶ ἕτεροσ υἱὸσ τούτου, ἰατρὸσ Πτολεμαίου, ὃσ διαβληθεὶσ περιήχθη καὶ μαστιγούμενοσ ἐκολάσθη· ἄλλοσ μαθητὴσ Ἐρασιστράτου, καί τισ Γεωργικὰ γεγραφώσ. Ὁ δὴ φιλόσοφοσ καὶ τοιούτουσ τινὰσ ἠρώτα λόγουσ· "ὁ λέγων τοῖσ ἀμυήτοισ τὰ μυστήρια ἀσεβεῖ· ὁ δέ γ’ ἱεροφάντησ τοῖσ ἀμυήτοισ λέγει <τὰ μυστήρια>· ἀσεβεῖ ἄρα ὁ ἱεροφάντησ. " ἄλλο· "ὃ οὐκ ἔστιν ἐν τῇ πόλει, τοῦτ’ οὐδ’ ἐν τῇ οἰκίᾳ· οὐκ ἔστι δὲ φρέαρ ἐν τῇ πόλει, οὐδ’ ἄρ’ ἐν τῇ οἰκίᾳ. " ἄλλο· "ἔστι τισ κεφαλή· ἐκείνην δ’ οὐκ ἔχεισ· ἔστι δέ γέ τισ κεφαλὴ <ἣν οὐκ ἔχεισ>· οὐκ ἄρα ἔχεισ κεφαλήν. ἄλλο·

"εἴ τίσ ἐστιν ἐν Μεγάροισ, οὐκ ἔστιν ἐν Ἀθήναισ· ἄνθρωποσ δ’ ἐστὶν ἐν Μεγάροισ· οὐκ ἄρ’ ἐστὶν ἄνθρωποσ ἐν Ἀθήναισ. " καὶ πάλιν· "εἴ τι λαλεῖσ, τοῦτο διὰ τοῦ στόματόσ σου διέρχεται· ἅμαξαν δὲ λαλεῖσ· ἅμαξα ἄρα διὰ τοῦ στόματόσ σου διέρχεται. " καί· "εἴ τι οὐκ ἀπέβαλεσ, τοῦτ’ ἔχεισ· κέρατα δ’ οὐκ ἀπέβαλεσ· κέρατ’ ἄρ’ ἔχεισ. " οἱ δ’ Εὐβουλίδου τοῦτό φασιν. Εἰσὶ δὲ οἳ κατατρέχουσι τοῦ Χρυσίππου ὡσ πολλὰ αἰσχρῶσ καὶ ἀρρήτωσ ἀναγεγραφότοσ. ἐν μὲν γὰρ τῷ Περὶ τῶν ἀρχαίων φυσιολόγων συγγράμματι αἰσχρῶσ τὰ περὶ τὴν Ἥραν καὶ τὸν Δία ἀναπλάττει, λέγων κατὰ τοὺσ ἑξακοσίουσ στίχουσ ἃ μηδεὶσ ἠτυχηκὼσ μολύνειν τὸ στόμα εἴποι ἄν. αἰσχροτάτην γάρ, φασί, ταύτην ἀναπλάττει ἱστορίαν, εἰ καὶ ἐπαινεῖ ὡσ φυσικήν, χαμαιτύπαισ μᾶλλον πρέπουσαν ἢ θεοῖσ, ἔτι τ’ οὐδὲ παρὰ τοῖσ περὶ πινάκων γράψασι κατακεχωρισμένην·

μήτε γὰρ παρὰ Πολέμωνι μήτε παρ’ Ὑψικράτει, ἀλλὰ μηδὲ παρ’ Ἀντιγόνῳ εἶναι, ὑπ’ αὐτοῦ δὲ πεπλάσθαι. ἐν δὲ τῷ Περὶ πολιτείασ καὶ μητράσι λέγει συνέρχεσθαι καὶ θυγατράσι καὶ υἱοῖσ· τὰ δ’ αὐτά φησι καὶ ἐν τῷ Περὶ τῶν μὴ δι’ ἑαυτὰ αἱρετῶν εὐθὺσ ἐν ἀρχῇ. ἐν δὲ τῷ τρίτῳ Περὶ δικαίου κατὰ τοὺσ χιλίουσ στίχουσ καὶ τοὺσ ἀποθανόντασ κατεσθίειν κελεύων. ἐν δὲ τῷ δευτέρῳ Περὶ βίου καὶ πορισμοῦ προνοεῖν λέγων ὅπωσ ποριστέον τῷ σοφῷ· "καίτοι τίνοσ χάριν ποριστέον αὐτῷ;

εἰ μὲν γὰρ τοῦ ζῆν ἕνεκεν, ἀδιάφορον τὸ ζῆν· εἰ δὲ ἡδονῆσ, καὶ αὕτη ἀδιάφοροσ· εἰ δὲ τῆσ ἀρετῆσ, αὐτάρκησ αὕτη πρὸσ εὐδαιμονίαν. καταγέλαστοι δὲ καὶ οἱ τρόποι τοῦ πορισμοῦ, οἱο͂ν οἱ ἀπὸ βασιλέωσ· εἴκειν γὰρ αὐτῷ δεήσει. καὶ οἱ ἀπὸ φιλίασ· λήμματοσ γὰρ ὤνιοσ ἡ φιλία ἔσται. καὶ οἱ ἀπὸ σοφίασ· μισθαρνήσει γὰρ ἡ σοφία. " καὶ ταῦτα μὲν ἐγκαλεῖται. Ἐπεὶ δ’ ἐνδοξότατα τὰ βιβλί’ ἐστὶν αὐτῷ, ἔδοξέ μοι καὶ τὴν πρὸσ εἶδοσ ἀναγραφὴν αὐτῶν ἐνταῦθα καταχωρίσαι. καὶ ἔστι τάδε· Λογικοῦ τόπου. Θέσεισ λογικαί. Τῶν τοῦ φιλοσόφου σκεμμάτων. Ὅρων διαλεκτικῶν πρὸσ Μητρόδωρον σ’. Περὶ τῶν κατὰ τὴν διαλεκτικὴν ὀνομάτων πρὸσ Ζήνωνα α’. Τέχνη διαλεκτικὴ πρὸσ Ἀρισταγόραν α’.

Συνημμένων πιθανῶν πρὸσ Διοσκουρίδην δ’. Λογικοῦ τόπου τοῦ περὶ τὰ πράγματα. Σύνταξισ πρώτη· Περὶ ἀξιωμάτων α’. Περὶ τῶν οὐχ ἁπλῶν ἀξιωμάτων α’. Περὶ τοῦ συμπεπλεγμένου πρὸσ Ἀθηνάδην α’ β’. Περὶ ἀποφατικῶν πρὸσ Ἀρισταγόραν γ’. Περὶ τῶν καταγορευτικῶν πρὸσ Ἀθηνόδωρον α’. Περὶ τῶν κατὰ στέρησιν λεγομένων πρὸσ Θέαρον α’. Περὶ τῶν ἀορίστων ἀξιωμάτων πρὸσ Δίωνα α’ β’ γ’. Περὶ τῆσ διαφορᾶσ τῶν ἀορίστων α’ β’ γ’ δ’. Περὶ τῶν κατὰ χρόνουσ λεγομένων α’ β’. Περὶ συντελικῶν ἀξιωμάτων β’. Σύνταξισ δευτέρα· Περὶ ἀληθοῦσ διεζευγμένου πρὸσ Γοργιππίδην α’. Περὶ ἀληθοῦσ συνημμένου πρὸσ Γοργιππίδην α’ β’ γ’ δ’. Αἱρ́εσισ πρὸσ Γοργιππίδην α’.

Πρὸσ τὸ περὶ ἀκολούθων α’. Περὶ τοῦ διὰ τριῶν πάλιν πρὸσ Γοργιππίδην α’. Περὶ δυνατῶν πρὸσ Κλεῖτον δ’. Πρὸσ τὸ περὶ σημασιῶν Φίλωνοσ α’. Περὶ τοῦ τίνα ἐστὶ τὰ ψευδῆ α’. Σύνταξισ τρίτη· Περὶ προσταγμάτων β’. Περὶ ἐρωτήσεωσ β’. Περὶ πεύσεωσ δ’. Ἐπιτομὴ περὶ ἐρωτήσεωσ καὶ πεύσεωσ α’. Ἐπιτομὴ περὶ ἀποκρίσεωσ α’. Περὶ ζητήσεωσ β’. Περὶ ἀποκρίσεωσ δ’. Σύνταξισ τετάρτη·

Περὶ τῶν κατηγορημάτων πρὸσ Μητρόδωρον ι’. Περὶ ὀρθῶν καὶ ὑπτίων πρὸσ Φύλαρχον α’. Περὶ τῶν συναμμάτων πρὸσ Ἀπολλωνίδην α’. Πρὸσ Πασύλον περὶ κατηγορημάτων δ’. Σύνταξισ πέμπτη· Περὶ τῶν πέντε πτώσεων α’. Περὶ τῶν κατὰ τὸ ὑποκείμενον ὡρισμένων ἐκφορῶν α’. Περὶ παρεμφάσεωσ πρὸσ Στησαγόραν β’. Περὶ τῶν προσηγορικῶν β’. Λογικοῦ τόπου περὶ τὰσ λέξεισ καὶ τὸν κατ’ αὐτὰσ λόγον. Σύνταξισ πρώτη· Περὶ τῶν ἑνικῶν καὶ πληθυντικῶν ἐκφορῶν σ’. Περὶ λέξεων πρὸσ Σωσιγένην καὶ Ἀλέξανδρον ε’. Περὶ τῆσ κατὰ τὰσ λέξεισ ἀνωμαλίασ πρὸσ Δίωνα δ’. Περὶ τῶν πρὸσ τὰσ φωνὰσ σωριτῶν λόγων γ’. Περὶ σολοικισμῶν. Περὶ σολοικιζόντων λόγων πρὸσ Διονύσιον α’. Λόγοι παρὰ τὰσ συνηθείασ α’. Λέξισ πρὸσ Διονύσιον α’. Σύνταξισ δευτέρα· Περὶ τῶν στοιχείων τοῦ λόγου καὶ τῶν λεγομένων ε’. Περὶ τῆσ συντάξεωσ τῶν λεγομένων δ’. Περὶ τῆσ συντάξεωσ καὶ στοιχείων τῶν λεγομενων πρὸσ Φίλιππον γ’.

Περὶ τῶν στοιχείων τοῦ λόγου πρὸσ Νικίαν α’. Περὶ τοῦ πρὸσ ἕτερα λεγομένου α’. Σύνταξισ τρίτη· Πρὸσ τοὺσ μὴ διαιρουμένουσ β’. Περὶ ἀμφιβολιῶν πρὸσ Ἀπολλᾶν δ’. Περὶ τῶν τροπικῶν ἀμφιβολιῶν α’. Περὶ συνημμένησ τροπικῆσ ἀμφιβολίασ β’. Πρὸσ τὸ περὶ ἀμφιβολιῶν Πανθοίδου β’. Περὶ τῆσ εἰσ τὰσ ἀμφιβολίασ εἰσαγωγῆσ ε’. Ἐπιτομὴ τῶν πρὸσ Ἐπικράτην ἀμφιβολιῶν α’. Συνημμένα πρὸσ τὴν εἰσαγωγὴν τῶν εἰσ τὰσ ἀμφιβολίασ β’. Λογικοῦ τόπου πρὸσ τοὺσ λόγουσ καὶ τοὺσ τρόπουσ. Σύνταξισ πρώτη· Τέχνη λόγων καὶ τρόπων πρὸσ Διοσκουρίδην ε’. Περὶ τῶν λόγων γ’.

Περὶ τρόπων συστάσεωσ πρὸσ Στησαγόραν β’. Σύγκρισισ τῶν τροπικῶν ἀξιωμάτων α’. Περὶ ἀντιστρεφόντων λόγων καὶ συνημμένων α’. Πρὸσ Ἀγάθωνα ἢ περὶ τῶν ἑξῆσ προβλημάτων α’. Περὶ τοῦ τίνα συλλογιστικά τινοσ μετ’ ἄλλου τε καὶ μετ’ ἄλλων α’. Περὶ τῶν ἐπιφορῶν πρὸσ Ἀρισταγόραν α’. Περὶ τοῦ τάττεσθαι τὸν αὐτὸν λόγον ἐν πλείοσι τρόποισ α’. Πρὸσ τὰ ἀντειρημένα τῷ τὸν αὐτὸν λόγον ἐν συλλογιστικῷ καὶ ἀσυλλογίστῳ τετάχθαι τρόπῳ β’. Πρὸσ τὰ ἀντειρημένα ταῖσ τῶν συλλογισμῶν ἀναλύσεσι γ’. Πρὸσ τὸ περὶ τρόπων Φίλωνοσ πρὸσ Τιμόστρατον α’. Λογικὰ συνημμένα πρὸσ Τιμοκράτην καὶ Φιλομαθῆ· εἰσ τὰ περὶ λόγων καὶ τρόπων α’. Σύνταξισ δευτέρα·

Περὶ τῶν περαινόντων λόγων πρὸσ Ζήνωνα α’. Περὶ τῶν πρώτων καὶ ἀναποδείκτων συλλογισμων πρὸσ Ζήνωνα α’. Περὶ τῆσ ἀναλύσεωσ τῶν συλλογισμῶν α’. Περὶ τῶν παρελκόντων λόγων πρὸσ Πασύλον β’. Περὶ τῶν εἰσ τοὺσ συλλογισμοὺσ θεωρημάτων α’. Περὶ συλλογισμῶν εἰσαγωγικῶν πρὸσ Ζήνωνα α’. Τῶν πρὸσ εἰσαγωγὴν τρόπων πρὸσ Ζήνωνα γ’. Περὶ τῶν κατὰ ψευδῆ σχήματα συλλογισμῶν ε’. Λόγοι συλλογιστικοὶ κατ’ ἀνάλυσιν ἐν τοῖσ ἀναποδείκτοισ α’. Τροπικὰ ζητήματα πρὸσ Ζήνωνα καὶ Φιλομαθῆ α’ ̔τοῦτο δοκεῖ ψευδεπίγραφον̓. Σύνταξισ τρίτη· Περὶ τῶν μεταπιπτόντων λόγων πρὸσ Ἀθηνάδην α’ ̔ψευδεπίγραφον̓. Λόγοι μεταπίπτοντεσ πρὸσ τὴν μεσότητα γ’ ̔ψευδεπίγραφἀ.

Πρὸσ τοὺσ Ἀμεινίου διαζευκτικοὺσ α’. Σύνταξισ τετάρτη· Περὶ ὑποθέσεων πρὸσ Μελέαγρον γ’. Λόγοι ὑποθετικοὶ εἰσ τοὺσ νόμουσ πρὸσ Μελέαγρον πάλιν α’. Λόγοι ὑποθετικοὶ πρὸσ εἰσαγωγὴν β’. Λόγοι ὑποθετικοὶ θεωρημάτων β’. Λύσεισ τῶν Ἡδύλου ὑποθετικῶν β’. Λύσεισ τῶν Ἀλεξάνδρου ὑποθετικῶν γ’ ̔ψευδεπίγραφἀ. Περὶ ἐκθέσεων πρὸσ Λαοδάμαντα α’. Σύνταξισ πέμπτη· Περὶ τῆσ εἰσ τὸν ψευδόμενον εἰσαγωγῆσ πρὸσ Ἀριστοκρέοντα α’. Λόγοι ψευδόμενοι πρὸσ εἰσαγωγὴν α’. Περὶ τοῦ ψευδομένου πρὸσ Ἀριστοκρέοντα σ’. Σύνταξισ ἕκτη· Πρὸσ τοὺσ νομίζοντασ καὶ ψευδῆ καὶ ἀληθῆ εἶναι α’. Πρὸσ τοὺσ διὰ τῆσ τομῆσ διαλύοντασ τὸν ψευδόμενον λόγον πρὸσ Ἀριστοκρέοντα β’.

Ἀποδείξεισ πρὸσ τὸ μὴ δεῖν τέμνειν τὰ ἀόριστα α’. Πρὸσ τὰ ἀντειρημένα τοῖσ κατὰ τῆσ τομῆσ τῶν ἀορίστων πρὸσ Πασύλον γ’. Λύσισ κατὰ τοὺσ ἀρχαίουσ πρὸσ Διοσκουρίδην α’. Περὶ τῆσ τοῦ ψευδομένου λύσεωσ πρὸσ Ἀριστοκρέοντα γ’. Λύσεισ τῶν Ἡδύλου ὑποθετικῶν πρὸσ Ἀριστοκρέοντα καὶ Ἀπολλᾶν α’. Σύνταξισ ἑβδόμη· Πρὸσ τοὺσ φάσκοντασ τὰ λήμματα ἔχειν ψευδῆ τὸν ψευδόμενον λόγον α’. Περὶ ἀποφάσκοντοσ πρὸσ τὸν Ἀριστοκρέοντα β’. Λόγοι ἀποφάσκοντεσ πρὸσ γυμνασίαν α’. Περὶ τοῦ παρὰ μικρὸν λόγου πρὸσ Στησαγόραν α’ β’. Περὶ τῶν εἰσ τὰσ ὑπολήψεισ λόγων καὶ ἡσυχαζόντων πρὸσ Ὀνήτορα β’. Περὶ τοῦ ἐγκεκαλυμμένου πρὸσ Ἀριστόβουλον β’.

Περὶ τοῦ διαλεληθότοσ πρὸσ Ἀθηνάδην α’. Σύνταξισ ὀγδόη· Περὶ τοῦ οὔτιδοσ πρὸσ Μενεκράτην η’. Περὶ τῶν ἐξ ἀορίστου καὶ ὡρισμένου λόγων πρὸσ Πασύλον β’. Περὶ οὔτιδοσ λόγου πρὸσ Ἐπικράτην α’. Σύνταξισ ἐνάτη· Περὶ τῶν σοφισμάτων πρὸσ Ἡρακλείδην καὶ Πόλλιν β’. Περὶ τῶν ἀπόρων διαλεκτικῶν πρὸσ Διοσκουρίδην ε’. Πρὸσ τὸ Ἀρκεσιλάου μεθόδιον πρὸσ Σφαῖρον α’. Σύνταξισ δεκάτη· Κατὰ τῆσ συνηθείασ πρὸσ Μητρόδωρον σ’. Ὑπὲρ τῆσ συνηθείασ πρὸσ Γοργιππίδην ζ’. Λογικοῦ τόπου τὰ τῶν προειρημένων τεττάρων διαφορῶν ἐκτὸσ ὄντα καὶ περιέχοντα <τὰσ> σποράδην καὶ οὐ σωματικὰσ ζητήσεισ λογικάσ, περὶ τῶν καταλεγομένων ζητημάτων ἐννέα καὶ τριάκοντα. ὁμοῦ τὰ πάντα τοῦ λογικοῦ ἕνδεκα καὶ τριακόσια. Ἠθικοῦ λόγου τοῦ περὶ τὴν διάρθρωσιν τῶν ἠθικῶν ἐννοιῶν.

Σύνταξισ πρώτη· Ὑπογραφὴ τοῦ <ἠθικοῦ> λόγου πρὸσ Θεόπορον α’. Θέσεισ ἠθικαὶ α’. Πιθανὰ λήμματα εἰσ τὰ δόγματα πρὸσ Φιλομαθῆ γ’. Ὅρων τῶν τοῦ ἀστείου πρὸσ Μητρόδωρον β’. Ὅρων τῶν τοῦ φαύλου πρὸσ Μητρόδωρον β’. Ὅρων τῶν ἀναμέσων πρὸσ Μητρόδωρον β’. Ὅρων τῶν κατὰ γένοσ πρὸσ Μητρόδωρον ζ’. Ὅρων τῶν κατὰ τὰσ ἄλλασ τέχνασ πρὸσ Μητρόδωρον α’ β’. Σύνταξισ δευτέρα· Περὶ τῶν ὁμοίων πρὸσ Ἀριστοκλέα γ’. Περὶ τῶν ὁρ́ων πρὸσ Μητρόδωρον ζ’. Σύνταξισ τρίτη· Περὶ τῶν οὐκ ὀρθῶσ τοῖσ ὁρ́οισ ἀντιλεγομένων πρὸσ Λαοδάμαντα ζ’. Πιθανὰ εἰσ τοὺσ ὁρ́ουσ πρὸσ Διοσκουρίδην β’.

Περὶ εἰδῶν καὶ γενῶν πρὸσ Γοργιππίδην β’. Περὶ διαιρέσεων α’. Περὶ ἐναντίων πρὸσ Διονύσιον β’. Πιθανὰ πρὸσ τὰσ διαιρέσεισ καὶ τὰ γένη καὶ τὰ εἴδη καὶ <τὰ> περὶ τῶν ἐναντίων α’. Σύνταξισ τετάρτη· Περὶ τῶν ἐτυμολογικῶν πρὸσ Διοκλέα ζ’. Ἐτυμολογικῶν πρὸσ Διοκλέα δ’. Σύνταξισ πέμπτη· Περὶ παροιμιῶν πρὸσ Ζηνόδοτον β’. Περὶ ποιημάτων πρὸσ Φιλομαθῆ α’. Περὶ τοῦ πῶσ δεῖ τῶν ποιημάτων ἀκούειν β’. Πρὸσ τοὺσ κριτικοὺσ πρὸσ Διόδωρον α’. Ἠθικοῦ τόπου περὶ τὸν κοινὸν λόγον καὶ τὰσ ἐκ τούτου συνισταμένασ τέχνασ καὶ ἀρετάσ.

Σύνταξισ πρώτη· Πρὸσ τὰσ ἀναζωγραφήσεισ πρὸσ Τιμώνακτα α’. Περὶ τοῦ πῶσ ἕκαστα λέγομεν καὶ διανοούμεθα α’. Περὶ τῶν ἐννοιῶν πρὸσ Λαοδάμαντα β’. Περὶ ὑπολήψεωσ πρὸσ Πυθώνακτα γ’. Ἀποδείξεισ πρὸσ τὸ μὴ δοξάσειν τὸν σοφὸν α’. Περὶ καταλήψεωσ καὶ ἐπιστήμησ καὶ ἀγνοίασ δ’. Περὶ λόγου β’. Περὶ τῆσ χρήσεωσ τοῦ λόγου πρὸσ Λεπτίνην. Σύνταξισ δευτέρα· Περὶ τοῦ ἐγκρίνειν τοὺσ ἀρχαίουσ τὴν διαλεκτικὴν σὺν ταῖσ ἀποδείξεσι πρὸσ Ζήνωνα β’. Περὶ τῆσ διαλεκτικῆσ πρὸσ Ἀριστοκρέοντα δ’.

Περὶ τῶν ἀντιλεγομένων τοῖσ διαλεκτικοῖσ γ’. Περὶ τῆσ ῥητορικῆσ πρὸσ Διοσκουρίδην δ’. Σύνταξισ τρίτη· Περὶ ἕξεωσ πρὸσ Κλέωνα γ’. Περὶ τέχνησ καὶ ἀτεχνίασ πρὸσ Ἀριστοκρέοντα δ’. Περὶ τῆσ διαφορᾶσ τῶν ἀρετῶν πρὸσ Διόδωρον δ’. Περὶ τοῦ ποιὰσ εἶναι τὰσ ἀρετὰσ α’. Περὶ ἀρετῶν πρὸσ Πόλλιν β’. Ἠθικοῦ τόπου περὶ ἀγαθῶν καὶ κακῶν. Σύνταξισ πρώτη· Περὶ τοῦ καλοῦ καὶ τῆσ ἡδονῆσ πρὸσ Ἀριστοκρέοντα ι’. Ἀποδείξεισ πρὸσ τὸ μὴ εἶναι τὴν ἡδονὴν τέλοσ δ’. Ἀποδείξεισ πρὸσ τὸ μὴ εἶναι τὴν ἡδονὴν ἀγαθὸν δ’. Περὶ τῶν λεγομένων ὑπὲρ τῆσ · · ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ISTORIWN Z, Kef. z'. XRGSIPPOS

(디오게네스 라에르티오스, Lives of Eminent Philosophers, ISTORIWN Z, Kef. z'. XRGSIPPOS)

상위

목록

SEARCH

MENU NAVIGATION