Demosthenes, Speeches 51-61, Ἐρωτικός? 19:

πῶς γὰρ ἄν τις ὑπερβάλοι τῷ λόγῳ τὴν σὴν ὄψιν, ἧς μηδ ἃ τέχνῃ πεποίηται τῶν ἔργων τοῖς ἀρίστοις δημιουργοῖς δύναται ὑπερτεῖναι· καὶ θαυμαστὸν οὐδέν: τὰ μὲν γὰρ ἀκίνητον ἔχει τὴν θεωρίαν, ὥστ ἄδηλ εἶναι τί ποτ ἂν ψυχῆς μετασχόντα φανείη, σοῦ δὲ τὸ τῆς γνώμης ἦθος ἐν πᾶσιν οἷς ποιεῖς μεγάλην εὐπρέπειαν ἐπαυξάνει τῷ σώματι. περὶ μὲν οὖν τοῦ κάλλους πολλὰ παραλιπών, τοσαῦτ ἐπαινέσαι ἔχω.