Demosthenes, Speeches 51-61, Ἐπιτάφιοσ. 37:

ἠκηκόεσαν Λεωντίδαι μυθολογουμένασ τὰσ Λεὼ κόρασ, ὡσ ἑαυτὰσ ἔδοσαν σφάγιον τοῖσ πολίταισ ὑπὲρ τῆσ χώρασ. ὅτε δὴ γυναῖκεσ ἐκεῖναι τοιαύτην ἔσχον ἀνδρείαν, οὐ θεμιτὸν αὑτοῖσ ὑπελάμβανον χείροσιν ἀνδράσιν οὖσιν ἐκείνων φανῆναι. ἐμέμνηντ’ Ἀκαμαντίδαι τῶν ἐπῶν ἐν οἷσ Ὅμηροσ ἕνεκα τῆσ μητρόσ φησιν Αἴθρασ Ἀκάμαντ’ εἰσ Τροίαν στεῖλαι. ὁ μὲν οὖν παντὸσ ἐπειρᾶτο κινδύνου τοῦ σῷσαι τὴν ἑαυτοῦ μητέρ’ ἕνεκα· οἱ δὲ τοὺσ οἴκοι σύμπαντασ γονέασ πῶσ οὐκ ἤμελλον ὑπὲρ τοῦ σῷσαι πάντα κίνδυνον ὑπομένειν;