Demosthenes, Speeches 51-61, Ἐπιτάφιοσ. 24:

ἐν τούτοισ ἀμφοτέροισ οἵδε πολὺ διήνεγκαν. καὶ γὰρ εἴ τισ ἐφύετο κοινὸσ πᾶσιν κίνδυνοσ τοῖσ Ἕλλησιν, οὗτοι πρῶτοι προείδοντο καὶ πολλάκισ εἰσ σωτηρίαν ἅπαντασ παρεκάλεσαν, ὅπερ γνώμησ ἀπόδειξίσ ἐστιν εὖ φρονούσησ· καὶ τῆσ παρὰ τοῖσ Ἕλλησιν ἀγνοίασ μεμειγμένησ κακίᾳ, ὅτ’ ἐνῆν ταῦτα κωλύειν ἀσφαλῶσ, τὰ μὲν οὐ προορώσησ τὰ δ’ εἰρωνευομένησ, ὅμωσ, ἡνίχ’ ὑπήκουσαν καὶ τὰ δέοντα ποιεῖν ἠθέλησαν, οὐκ ἐμνησικάκησαν, ἀλλὰ προστάντεσ καὶ παρασχόντεσ ἅπαντα προθύμωσ, καὶ σώματα καὶ χρήματα καὶ συμμάχουσ, εἰσ πεῖραν ἦλθον ἀγῶνοσ, εἰσ ὃν οὐδὲ τῆσ ψυχῆσ ἐφείσαντο.