Demosthenes, Speeches 51-61, Κατὰ Νεαίρας 10:

ἡ μὲν γὰρ οὐσία οὐδὲ τριῶν ταλάντων πάνυ τι ἦν, ὥστε δυνηθῆναι ἐκτεῖσαι τοσοῦτον ὄφλημα· μὴ ἐκτεισθέντοσ δὲ τοῦ ὀφλήματοσ ἐπὶ τῆσ ἐνάτησ πρυτανείασ, διπλοῦν ἔμελλεν ἔσεσθαι τὸ ὄφλημα καὶ ἐγγραφήσεσθαι Ἀπολλόδωροσ τριάκοντα τάλαντα ὀφείλων τῷ δημοσίῳ· ἐγγεγραμμένου δὲ τῷ δημοσίῳ, ἀπογραφήσεσθαι ἔμελλεν ἡ ὑπάρχουσα οὐσία Ἀπολλοδώρῳ δημοσία εἶναι, πραθείσησ δ’ αὐτῆσ εἰσ τὴν ἐσχάτην ἀπορίαν καταστήσεσθαι καὶ αὐτὸσ καὶ παῖδεσ οἱ ἐκείνου καὶ γυνὴ καὶ ἡμεῖσ ἅπαντεσ.