Demosthenes, Speeches 51-61, Ἔνδειξισ κατὰ Θεοκρίνου 44:

καὶ τούτων οὐδέν με δεῖ μάρτυρασ ὑμῖν παρασχέσθαι· πάντεσ γὰρ ἴστε τοὺσ ἐπὶ Λυκίσκου ἄρχοντοσ θεσμοθέτασ ἀποχειροτονηθέντασ ἐν τῷ δήμῳ διὰ τοῦτον. ὧν ἀναμιμνῃσκομένουσ ὑμᾶσ χρὴ τὸν αὐτὸν ὑπολαμβάνειν εἶναι τοῦτον καὶ πρότερον καὶ νῦν. οὐ πολλῷ τοίνυν χρόνῳ ὕστερον τῆσ ἀποχειροτονίασ, τελευτήσαντοσ αὐτῷ τοῦ ἀδελφοῦ βιαίῳ θανάτῳ, τοιοῦτοσ ἐγένετο περὶ αὐτὸν οὗτοσ, ὥστε ζητήσασ τοὺσ δράσαντασ καὶ πυθόμενοσ οἵτινεσ ἦσαν, ἀργύριον λαβὼν ἀπηλλάγη.