Demosthenes, Speeches 51-61, Ἔνδειξισ κατὰ Θεοκρίνου 40:

διὸ καὶ δεῖ φυλάττειν αὐτόν, μὴ πρὸσ τοὺσ ἐμοὺσ λόγουσ μηδὲ τοὺσ ὑπὸ τούτου ῥηθησομένουσ ἀποβλέποντασ. οὐ γὰρ δίκαιον τοὺσ ὑπὲρ τῶν νόμων καθημένουσ μακροῖσ λόγοισ καὶ κατηγορίαισ προσέχειν, ἀλλ’ οἷσ ἂν ἅπαντεσ ῥᾳδίωσ ἐπακολουθήσαιτε, καὶ δι’ ὧν δόξετε πᾶσι τοῖσ ἐν τῇ πόλει τῶν νόμων ἀξίωσ ταύτην τὴν ἔνδειξιν δικάσαι, σαφῶσ ἐρωτῶντασ τί λέγεισ, Θεοκρίνη καὶ πάντεσ οἱ τῶν αὐτῶν τούτῳ μετέχοντεσ; ἀξιοῦθ’ ἡμᾶσ, κατὰ τοὺσ νόμουσ ὀμωμοκότασ δικάσειν, παρὰ τούτουσ διὰ τοὺσ ὑμετέρουσ λόγουσ ψηφίζεσθαι;