Demosthenes, Speeches 51-61, Ἔνδειξισ κατὰ Θεοκρίνου 28:

εἰ γὰρ ὀφείλοντοσ αὐτῷ τοῦ πάππου πάλαι, καὶ τοῦ νόμου κελεύοντοσ κληρονομεῖν τοῦτον τῶν ἐκείνου, προσῆκον αὐτῷ μηδὲ πάλαι γράφεσθαι ἐγράφετο, καὶ διὰ τοῦτο οἰήσεται δεῖν ἀποφεύγειν ὅτι πονηρὸσ ἐκ τριγονίασ ἐστίν, οὐ δίκαια ἐρεῖ, ὦ ἄνδρεσ δικασταί. ὡσ οὖν καὶ παρ’ αὐτοῦ Θεοκρίνου ὁμολογεῖται τοῦτ’ εἶναι τὸ ὄφλημα καὶ κατετάξατο τοῖσ φυλέταισ ὑπὲρ αὑτοῦ καὶ τοῦ ἀδελφοῦ, καὶ τοῖσ βουλομένοισ εὐορκεῖν οὐ καλῶσ ἔχει ταύτην ἀπογιγνώσκειν τὴν ἔνδειξιν, λαβέ μοι τὸ ψήφισμα ὃ εἶπεν ἐν τοῖσ φυλέταισ Σκιρωνίδησ.