Demosthenes, Speeches 51-61, Ἔφεσισ πρὸσ Εὐβουλίδην 76:

εἶτ’ ἐγὼ ξένοσ; ποῦ μετοίκιον καταθείσ; ἢ τίσ τῶν ἐμῶν πώποτε; ποῦ πρὸσ ἄλλουσ δημότασ ἐλθών, καὶ οὐ δυνηθεὶσ ἐκείνουσ πεῖσαι δεῦρ’ ἐμαυτὸν ἐνέγραψα; ποῦ τί ποιήσασ ὧν ὅσοι μὴ καθαρῶσ ἦσαν πολῖται πεποιηκότεσ φαίνονται; οὐδαμοῦ, ἀλλ’ ἁπλῶσ, ἐν οἷσ ὁ πάπποσ ὁ τοῦ πατρόσ, ὁ ἐμόσ, <ὁ> πατήρ, ἐνταῦθα καὶ αὐτὸσ φαίνομαι δημοτευόμενοσ. καὶ νῦν πῶσ ἄν τισ ὑμῖν σαφέστερον ἐπιδείξειεν μετὸν τῆσ πόλεωσ αὑτῷ;