Demosthenes, Speeches 11-20, Περὶ τῆσ Παραπρεσβείας 363:

εἰ τοίνυν τι τούτοισ ἄπρακτόν ἐστι τούτων ἐφ’ οἷσ ἐκείνων θάνατοσ κατέγνωσται, ἔμ’ ἀποκτείνατ’ ἤδη. σκοπεῖτε γάρ. ἐπειδὴ παρὰ τὰ γράμματα φησὶν ἐπρέσβευσαν ἐκεῖνοι. καὶ τοῦτ’ ἔστι τῶν ἐγκλημάτων πρῶτον. οὗτοι δ’ οὐ παρὰ τὰ γράμματα; οὐ τὸ μὲν ψήφισμα Ἀθηναίοισ καὶ τοῖσ Ἀθηναίων συμμάχοισ, οὗτοι δὲ Φωκέασ ἐκσπόνδουσ ἀπέφηναν; οὐ τὸ μὲν ψήφισμα τοὺσ ἄρχοντασ ὁρκοῦν τοὺσ ἐν ταῖσ πόλεσιν, οὗτοι δ’, οὓσ Φίλιπποσ αὐτοῖσ προσέπεμψε, τούτουσ ὡρ́κισαν; οὐ τὸ μὲν ψήφισμα οὐδαμοῦ μόνουσ ἐντυγχάνειν Φιλίππῳ, οὗτοι δ’ οὐδὲν ἐπαύσαντ’ ἰδίᾳ χρηματίζοντεσ;