Demosthenes, Speeches 11-20, Περὶ τῆς Παραπρεσβείας? 286:

εἰ μὲν ἅπανθ ὅς ὑπέσχονθ ὑμῖν ἐκ τῆς εἰρήνης γέγονε, καὶ τοσαύτης ἀνανδρίας καὶ κακίας ὑμεῖς ὁμολογεῖτ εἶναι μεστοί, ὥστε μήτ ἐν τῇ χώρᾳ τῶν πολεμίων ὄντων μήτ ἐκ θαλάττης πολιορκούμενοι μήτ ἐν ἄλλῳ μηδενὶ δεινῷ τῆς πόλεως οὔσης, ἀλλὰ καὶ σῖτον εὐώνον ὠνούμενοι καὶ τἄλλ οὐδὲν χεῖρον πράττοντες ἢ νῦν, προειδότες καὶ προακηκοότες παρὰ τούτων καὶ τοὺς συμμάχους ἀπολουμένους καὶ Θηβαίους ἰσχυροὺς γενησομένους καὶ τἀπὶ Θρᾴκης Φίλιππον ληψόμενον καὶ ἐν Εὐβοίᾳ κατασκευασθησόμεν ὁρμητήρι ἐφ ὑμᾶς καὶ πάνθ ἃ πέπρακται γενησόμενα, εἶτα τὴν εἰρήνην ἐποιήσασθ ἀγαπητῶς, ἀποψηφίσασθ Αἰσχίνου, καὶ μὴ πρὸς τοσούτοις αἰσχροῖς καὶ ἐπιορκίαν προσκτήσησθε: