Demosthenes, Speeches 11-20, Περὶ τῆσ Παραπρεσβείας 176:

τάχα τοίνυν ἴσωσ καὶ τοιοῦτοσ ἥξει τισ λόγοσ παρὰ τούτων, ὡσ ἀρχὴ γενήσεται πρὸσ Φίλιππον ἔχθρασ, εἰ τῶν πρεσβευσάντων τὴν εἰρήνην καταψηφιεῖσθε. ἐγὼ δ’, εἰ τοῦτ’ ἔστιν ἀληθέσ, οὐκ ἔχω σκοπούμενοσ εὑρεῖν ὅ τι μεῖζον τούτου κατηγορήσω. εἰ γὰρ ὁ τῆσ εἰρήνησ χρήματ’ ἀναλώσασ ὥστε τυχεῖν, οὗτοσ οὕτω γέγονεν φοβερὸσ καὶ μέγασ ὥστε τῶν ὁρ́κων καὶ τῶν δικαίων ἀμελήσαντασ ὑμᾶσ ἤδη τί Φιλίππῳ χαριεῖσθε σκοπεῖν, τί παθόντεσ ἂν οἱ τούτων αἴτιοι τὴν προσήκουσαν δίκην δεδωκότεσ εἰε͂ν;