Demosthenes, Speeches 11-20, Περὶ τῆς Παραπρεσβείας? 148:

ἔτι τοίνυν, εἰ μὲν μηδένα μηδὲν ἔχοντ εἴχομεν δεῖξαι τῶν πρέσβεων, μηδ ἦν ὥστ ἰδεῖν ἅπαντας, βασάνους καὶ τὰ τοιαῦθ ὑπόλοιπον ἂν ἦν σκοπεῖν. εἰ δὲ Φιλοκράτης μὴ μόνον ὡμολόγει παρ ὑμῖν ἐν τῷ δήμῳ πολλάκις, ἀλλὰ καὶ ἐδείκνυεν ὑμῖν, πυροπωλῶν, οἰκοδομῶν, βαδιεῖσθαι φάσκων κἂν μὴ χειροτονῆθ ὑμεῖς, ξυληγῶν, τὸ χρυσίον καταλλαττόμενος φανερῶς ἐπὶ ταῖς τραπέζαις, οὐκ ἔνι δήπου τοῦτον εἰπεῖν ὡς οὐκ εἴληφε, τὸν αὐτὸν ὁμολογοῦντα καὶ δεικνύντα.