Demosthenes, Speeches 11-20, Περὶ τῆσ Παραπρεσβείας 113:

καὶ μὴν ὅτι χωρὶσ τῆσ ἄλλησ αἰσχύνησ καὶ ἀδοξίασ, ἣν τὰ πεπραγμέν’ ἔχει, καὶ μεγάλοι κίνδυνοι περιεστᾶσιν ἐκ τούτων τὴν πόλιν, ῥᾴδιον δεῖξαι. τίσ γὰρ οὐκ οἶδεν ὑμῶν ὅτι τῷ Φωκέων πολέμῳ καὶ τῷ κυρίουσ εἶναι Πυλῶν Φωκέασ ἥ τ’ ἀπὸ Θηβαίων ἄδει’ ὑπῆρχεν ἡμῖν, καὶ τὸ μηδέποτ’ ἐλθεῖν ἂν εἰσ Πελοπόννησον μηδ’ εἰσ Εὔβοιαν μηδ’ εἰσ τὴν Ἀττικὴν Φίλιππον μηδὲ Θηβαίουσ;