Demosthenes, Speeches 11-20, Περὶ τῆσ Παραπρεσβείας 59:

(데모스테네스, Speeches 11-20, Περὶ τῆσ Παραπρεσβείας 59:)

ἀκούων τοίνυν ἐγὼ τηλικαῦτα καὶ τοιαῦτ’ ἐπαγγελλομένου τούτου, καὶ ἀκριβῶσ εἰδὼσ ὅτι ψεύδεται, ‐ καὶ ὅθεν, φράσω πρὸσ ὑμᾶσ, πρῶτον μὲν ἐκ τοῦ, ὅτε τοὺσ ὁρ́κουσ ἔμελλε Φίλιπποσ ὀμνύναι τοὺσ περὶ τῆσ εἰρήνησ, ἐκσπόνδουσ ἀποφανθῆναι τοὺσ Φωκέασ ὑπὸ τούτων, ὃ σιωπᾶν καὶ ἐᾶν εἰκὸσ ἦν, εἴπερ ἔμελλον σῴζεσθαι· ἔπειτ’ ἐκ τοῦ μὴ τοὺσ παρὰ τοῦ Φιλίππου πρέσβεισ ταῦτα λέγειν μηδὲ τὴν ἐπιστολὴν τὴν Φιλίππου, ἀλλὰ τοῦτον ‐ ἐκ τούτων οὖν τεκμαιρόμενοσ, ἀναστὰσ καὶ παρελθὼν ἐπειρώμην μὲν ἀντιλέγειν, ὡσ δ’ ἀκούειν οὐκ ἠθέλετε, ἡσυχίαν ἔσχον, τοσοῦτο μόνον διαμαρτυράμενοσ καὶ πρὸσ Διὸσ καὶ θεῶν ἀναμιμνῄσκεσθε ὅτι ταῦτ’ οὔτ’ οἶδ’ οὔτε κοινωνῶ, προσέθηκα δ’ ὡσ οὐδὲ προσδοκῶ. τραχέωσ δ’ ὑμῶν τῷ μηδὲ προσδοκᾶν σχόντων, καὶ ὅπωσ γ’, ὦ ἄνδρεσ Ἀθηναῖοι, ἔφην, ἄν τι τούτων γίγνηται, τούτουσ ἐπαινέσεσθε καὶ τιμήσετε καὶ στεφανώσετε, ἐμὲ δὲ μή·

일치하는 문장이 없습니다.

SEARCH

MENU NAVIGATION