Demosthenes, Speeches 11-20, Περὶ τῆσ Παραπρεσβείας 51:

περὶ δὲ Φωκέων ἢ Θηβαίων ἢ τῶν ἄλλων ὧν οὗτοσ ἀπήγγειλεν, οὐδὲ γρῦ. ταύτησ τοίνυν οὐδ’ ὁτιοῦν ἐσθ’ ὑγιέσ. καὶ τοῦτ’ αὐτίκα δὴ μάλ’ ὑμεῖσ ὄψεσθε. οἱ μὲν γὰρ Ἁλεῖσ, οὓσ ἵνα συνδιαλλάττωσι κατασχεῖν φησι τούτουσ, τοιαύτησ τετυχήκασι διαλλαγῆσ ὥστ’ ἐξελήλανται καὶ ἀνάστατοσ ἡ πόλισ αὐτῶν γέγονε· τοὺσ δ’ αἰχμαλώτουσ ὁ σκοπῶν τί ἂν ὑμῖν χαρίσαιτο οὐδέν’ ἐνθυμηθῆναί φησι λύσασθαι.