Demosthenes, Speeches 11-20, Περὶ τοῦ Στεφάνου 280:

ἦν μὲν οὖν, ὅπερ εἶπον, ἐκεῖνοσ ὁ καιρὸσ τοῦ γε φροντίζοντοσ ἀνδρὸσ τῆσ πόλεωσ καὶ τῶν δικαίων λόγων· ἐγὼ δὲ τοσαύτην ὑπερβολὴν ποιοῦμαι ὥστε, ἂν νῦν ἔχῃ τισ δεῖξαί τι βέλτιον, ἢ ὅλωσ εἴ τι ἄλλ’ ἐνῆν πλὴν ὧν ἐγὼ προειλόμην, ἀδικεῖν ὁμολογῶ. εἰ γὰρ ἔσθ’ ὅ τι τισ νῦν ἑόρακεν, ὃ συνήνεγκεν ἂν τότε πραχθέν, τοῦτ’ ἐγώ φημι δεῖν ἐμὲ μὴ λαθεῖν. εἰ δὲ μήτ’ ἔστι μήτ’ ἦν μήτ’ ἂν εἰπεῖν ἔχοι μηδεὶσ μηδέπω καὶ τήμερον, τί τὸν σύμβουλον ἐχρῆν ποιεῖν; οὐ τῶν φαινομένων καὶ ἐνόντων τὰ κράτισθ’ ἑλέσθαι;