Demosthenes, Speeches 11-20, Περὶ τοῦ Στεφάνου 190:

ταῦτα μὲν οὖν ἐάσω, ἀπ’ αὐτῶν δ’ ὧν αὐτὸσ βεβίωκεν ἄρξομαι· οὐδὲ γὰρ ὧν ἔτυχεν ἦν, ἀλλ’ οἷσ ὁ δῆμοσ καταρᾶται. ὀψὲ γάρ ποτε ‐ ὀψὲ λέγω; χθὲσ μὲν οὖν καὶ πρώην ἅμ’ Ἀθηναῖοσ καὶ ῥήτωρ γέγονεν, καὶ δύο συλλαβὰσ προσθεὶσ τὸν μὲν πατέρ’ ἀντὶ Τρόμητοσ ἐποίησεν Ἀτρόμητον, τὴν δὲ μητέρα σεμνῶσ πάνυ Γλαυκοθέαν, ἣν Ἔμπουσαν ἅπαντεσ ἴσασι καλουμένην, ἐκ τοῦ πάντα ποιεῖν καὶ πάσχειν δηλονότι ταύτησ τῆσ ἐπωνυμίασ τυχοῦσαν· πόθεν γὰρ ἄλλοθεν;