Arrian, Indica, chapter 43

(아리아노스, Indica, chapter 43)

τὰ δὲ ἐν δεξιῇ τῆσ Ἐρυθρῆσ θαλάσσησ ὑπὲρ τὴν Βαβυλωνίην Ἀραβίη ἡ πολλή ἐστι, καὶ ταύτησ τὰ μὲν κατήκει ἔστε ἐπὶ τὴν θάλασσαν τὴν κατὰ Φοινίκην τε καὶ τὴν Παλαιστίνην Συρίην, πρὸσ δυομένου δὲ ἡλίου ὡσ ἐπὶ τὴν ἔσω θάλασσαν Αἰγύπτιοι τῇ Ἀραβίῃ ὁμουρέουσι. κατὰ δὲ Αἴγυπτον ἐσέχων ἐκ τῆσ μεγάλησ θαλάσσησ κόλποσ δῆλον ποιέει ὅτι εἵνεκά γε τοῦ σύρροον εἶναι τὴν ἔξω θάλασσαν περίπλοοσ ἂν ἦν ἐκ Βαβυλῶνοσ ἐσ τὸν κόλπον τοῦτον ἐσέχοντα ὡσ ἐπ̓ Αἴγυπτον.

ἀλλὰ γὰρ οὔ τισ παρέπλωσε ταύτῃ οὐδαμῶν ἀνθρώπων ὑπὸ καύματοσ καὶ ἐρημίησ, εἰ μή τινέσ γε πελάγιοι κομιζόμενοι.

ἀλλὰ οἱ ἀπ̓ Αἰγύπτου γὰρ ἐσ Σοῦσα ἀποσωθέντεσ τῆσ στρατιῆσ τῆσ Καμβύσεω καὶ οἱ παρὰ Πτολεμαίου τοῦ Λάγου παρὰ Σέλευκον τὸν Νικάτορα σταλέντεσ ἐσ Βαβυλῶνα διὰ τῆσ Ἀραβίησ χώρησ ἰσθμόν τινα διαπορευθέντεσ ἐν ἡμέρῃσιν ὀκτὼ τῇσι πάσῃσιν ἄνυδρον καὶ ἐρήμην χώρην ἐπῆλθον ἐπὶ καμήλων σπουδῇ ἐλαύνοντεσ ὕδωρ τέ σφισιν ἐπὶ τῶν καμήλων φέροντεσ καὶ νυκτοπορέοντεσ·

τὰσ γὰρ ἡμέρασ ὑπαίθριοι ἀνέχεσθαι διὰ καῦμα ἀδύνατοι ἦσαν.

τοσούτου δέει τά γε ἐπέκεινα ταύτησ τῆσ χώρησ, ἥντινα ἰσθμὸν ἀπεφαίνομεν ἐκ τοῦ κόλπου τοῦ Ἀραβίου κατήκοντα ἐσ τὴν Ἐρυθρὴν θάλασσαν οἰκεόμενα εἶναι, ὁκότε τὰ πρὸσ ἄρκτον μᾶλλον αὐτῶν ἀνέχοντα ἔρημά τέ ἐστι καὶ ψαμμώδεα.

ἀλλὰ γὰρ ἀπὸ τοῦ Ἀραβίου κόλπου τοῦ κατ̓ Αἴγυπτον ὁρμηθέντεσ ἄνθρωποι, ἐκπεριπλώσαντεσ τὴν πολλὴν Ἀραβίην τοῦ ἐλθεῖν ἐσ τὴν κατὰ Σοῦσά τε καὶ Πέρσασ θάλασσαν, ἐσ τοσόνδε ἄρα παραπλώσαντεσ τῆσ Ἀραβίησ, ἐσ ὅσον σφίσι τὸ ὕδωρ ἐπήρκεσε τὸ ἐμβληθὲν ἐσ τὰσ νέασ, ἔπειτα ὀπίσω ἀπενόστησαν.

καί κου καὶ τῇ ἠπείρῳ τῆσ Ἀραβίησ προσέσχον, τὴν δὲ ἄκρην, ἥντινα καταντικρὺ τῆσ ἔστιν ὅστισ ὑπερβαλὼν ἐπικάμψαι ἐσ τὸ ἐπὶ θάτερα δυνατὸσ ἐγένετο.

δοκέω δὲ ὡσ εἴπερ πλωτά τε ἦν καὶ βαδιστὰ ταύτῃ, ὑπ̓ Ἀλεξάνδρου ἄν τῆσ πολυπραγμοσύνησ ἐξελήλεγκτο πλωτά τε καὶ βαδιστὰ ἐόντα.

Ἄννων δὲ ὁ Λίβυσ ἐκ Καρχηδόνοσ ὁρμηθεὶσ ὑπὲρ μὲν Ἡρακληίασ στήλασ ἐξέπλωσεν ἐσ τὸν ἔξω πόντον, ἐν ἀριστερῇ τὴν Λιβύην ἔχων·

καὶ ἔστε μὲν πρὸσ ἀνίσχοντα ἥλιον ὁ πλόοσ αὐτῷ ἐγένετο τὰσ πάσασ πέντε καὶ τριήκοντα ἡμέρασ· ὡσ δὲ δὴ ἐσ μεσαμβρίην ἐξετράπετο, πολλῇσιν ἀμηχανίῃσιν ἐνετύγχανεν ὕδατόσ τε ἀπορίῃ καὶ καύματι ἐπιφλέγοντι καὶ ῥύαξι πυρὸσ ἐσ τὸν πόντον ἐμβάλλουσιν.

ἀλλὰ ἡ Κυρήνη γὰρ τῆσ Λιβύησ ἐν τοῖσι ἐρημοτέροισι πεπολισμένη ποιώδησ τέ ἐστι καὶ εὐύδροσ καὶ καρπῶν παντοίων καὶ κτηνέων πάμφοροσ ἔστε ἐπὶ τοῦ σιλφίου τὰσ ἐκφύσιασ·

ὑπὲρ δὲ τὸ σίλφιον τὰ ἄνω αὐτῆσ ἔρημα καὶ ψαμμώδεα. ἐσ Ἀλέξανδρον τὸν Φιλίππου, τὸν Μακεδόνα.

일치하는 문장이 없습니다.

SEARCH

MENU NAVIGATION