헬라어 문장 검색 - Αρριαν́Ινδιξά11́

(아리아노스, Indica, chapter 11)

νενέμηνται δὲ οἱ πάντεσ Ἰνδοὶ ἐσ ἑπτὰ μάλιστα γένεα. ἓν μὲν αὐτοῖσιν οἱ σοφισταί εἰσι, πλήθεϊ μὲν μείουσ τῶν ἄλλων, δόξῃ δὲ καὶ τιμῇ γεραρώτατοι· οὔτε γάρ τι τῷ σώματι ἐργάζεσθαι ἀναγκαίη σφιν προσκέεται οὔτε τι ἀποφέρειν·

ἀπ ὅτων πονέουσιν ἐσ τὸ κοινόν. οὐδέ τι ἄλλο ἀναγκαίησ ἁπλῶσ ἐπεῖται τοῖσι σοφιστῇσιν, ὅτι μὴ θύειν τὰσ θυσίασ τοῖσι θεοῖσιν ὑπὲρ τοῦ κοινοῦ τῶν Ἰνδῶν· ὅστισ δὲ ἰδίᾳ θύει, ἐξηγητὴσ αὐτῷ τῆσ θυσίησ τῶν τισ σοφιστέων τούτων γίνεται, ὡσ οὐκ ἄν ἄλλωσ κεχαρισμένα τοῖσι θεοῖσι θύσαντι.

εἰσὶ σὲ καὶ μαντικῆσ οὗτοι μοῦνοι Ἰνδῶν δαήμονεσ, οὐδὲ ἐπεῖται ἄλλῳ μαντεύεσθαι ὅτι μὴ σοφιστῇ ἀνδρί.

μαντεύονται δὲ ὑπὲρ τῶν ὡρέων τοῦ ἔτεοσ καὶ εἴ τισ τὸ κοινὸν συμφορὴ καταλαμβάνοι·

τὰ δὲ ἴδια ἑκάστοισιν οὔ σφιν μέλει μαντεύεσθαι, ἢ ὡσ οὐκ ἐξικνεομένησ τῆσ μαντικῆσ ἐσ τὰ σμικρότερα, ἢ ὡσ οὐκ ἄξιον ἐὸν ἐπὶ τούτοισι πονέεσθαι. ὅστισ δὲ ἁμάρτοι ἐσ τρὶσ μαντευσάμενοσ, τούτῳ δὲ ἄλλο μὲν κακὸν γίνεσθαι οὐδέν, σιωπᾶν δὲ εἶναι ἐπάναγκεσ τοῦ λοιποῦ·

καὶ οὐκ ἔστιν ὅστισ ἐξαναγκάσει τὸν ἄνδρα τοῦτον φωνῆσαι, ὅτου σιωπὴ κατακέκριται. οὗτοι γυμνοὶ διαιτέονται οἱ σοφισταί, τοῦ μὲν χειμῶνοσ ὑπαίθριοι ἐν τῷ ἡλίῳ, τοῦ δὲ θέρεοσ, ἐπεὰν ὁ ἥλιοσ κατέχῃ, ἐν τοῖσι λειμῶσι καὶ τοῖσιν ἕλεσιν ὑπὸ δένδρεσι μεγάλοισιν, ὧν τὴν σκιὴν Νέαρχοσ λέγει ἐσ πέντε πλέθρα ἐν κύκλῳ ἐξικνέεσθαι, καὶ ἂν καὶ μυρίουσ ἀνθρώπουσ ὑπὸ ἑνὶ δένδρεϊ σκιάζεσθαι·

τηλικαῦτα εἶναι ταῦτα τὰ δένδρεα. σιτέονται δὲ τὰ ὡραῖα καὶ τὸν φλοιὸν τῶν δενδρέων, γλυκύν τε ἐόντα τὸν φλοιὸν καὶ τρόφιμον οὐ μεῖον ἤπερ αἱ βάλανοι τῶν φοινίκων.

δεύτεροι δ̓ ἐπὶ τούτοισιν οἱ γεωργοί εἰσιν, πλήθεϊ πλεῖστοι Ἰνδῶν ἐόντεσ.

καὶ τούτοισιν οὔτε ὅπλα ἐστὶν ἀρήια οὔτε ̔μέλει πολεμήια ἔργἀ, ἀλλὰ τὴν χώρην οὗτοι ἐργάζονται, καὶ τοὺσ φόρουσ τοῖσί τε βασιλεῦσι καὶ τῇσι πόλισιν, ὅσαι αὐτόνομοι, οὗτοι ἀποφέρουσι. καὶ εἰ πόλεμοσ ἐσ ἀλλήλουσ τοῖσιν Ἰνδοῖσι τύχοι, τῶν ἐργαζομένων τὴν γῆν οὐ θέμισ σφιν ἅπτεσθαι οὐδὲ αὐτὴν τὴν γῆν τέμνειν, ἀλλὰ οἱ μὲν πολεμέουσι καὶ κατακαίνουσιν ἀλλήλουσ ὅκωσ τύχοιεν, οἱ δὲ πλησίον αὐτῶν κατ̓ ἡσυχίην ἀροῦσιν ἢ τρυγέουσιν ἢ κλαδέουσιν ἢ θερίζουσιν.

τρίτοι δέ εἰσιν Ἰνδοῖσιν οἱ νομέεσ, οἱ ποιμένεσ τε καὶ οἱ βουκόλοι.

καὶ οὗτοι οὔτε κατὰ πόλιασ οὔτε ἐν τῇσι κώμῃσιν οἰκέουσι, νομάδεσ δέ εἰσι καὶ ἀνὰ τὰ οὔρεα βιοτεύουσι, φόρον δὲ οὗτοι ἀπὸ τῶν κτηνέων ἀποφέρουσι, καὶ θηρεύουσιν οὗτοι ἀνὰ τὴν χώρην ὄρνιθάσ τε καὶ ἄγρια θηρία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 11

(아리아노스, Indica, chapter 11)

상위

목록

SEARCH

MENU NAVIGATION