Arrian, Indica, chapter 24

(아리아노스, Indica, chapter 24)

ἐνδένδε ὁρμηθέντεσ ἔπλωον ἀκραεί, καὶ διελθόντεσ 5 σταδίουσ ἐσ πεντακοσίουσ ὡρμίζοντο πρὸσ ποταμῷ χειμαρρόῳ· Τόμηροσ οὔνομα ἦν τῷ ποταμῷ. καὶ λίμνη ἦν ἐπὶ τῇσιν ἐκβολῇσι τοῦ ποταμοῦ, τὰ δὲ βραχέα τὰ πρὸσ τῷ αἰγιαλῷ ἐπῴκεον ἄνθρωποι ἐν καλύβῃσι πνιγηρῇσι.

καὶ οὗτοι ὡσ προσπλώοντασ εἶδον, ἐθάμβησάν τε καὶ παρατείναντεσ σφᾶσ παρὰ τὸν αἰγιαλὸν ἐτάχθησαν ὡσ ἀπομαχεόμενοι πρὸσ τοὺσ ἐκβαίνοντασ. λόγχασ δὲ ἐφόρεον παχέασ, μέγαθοσ ὡσ ἑξαπήχεασ·

ἀκωκὴ δὲ οὐκ ἐπῆν σιδηρέη, ἀλλὰ τὸ ὀξὺ αὐτοῖσι πεπυρακτωμένον τωὐτὸ ἐποίεε. πλῆθοσ δὲ ἦσαν ὡσ ἑξακόσιοι. καὶ τούτουσ Νέαρχοσ ὡσ ὑπομένοντάσ τε καὶ παρατεταγμένουσ κατεῖδε, τὰσ μὲν νέασ ἀνακωχεύειν κελεύει ἐντὸσ βέλεοσ, ὡσ τὰ τοξεύματα ἐσ τὴν γῆν ἀπ̓ αὐτέων ἐξικνέεσθαι·

αἱ γὰρ τῶν βαρβάρων λόγχαι ἀγχέμαχοι μὲν ἄφοβοι δὲ ἐσ τὸ ἐσακοντίζεσθαι ἦσαν. αὐτὸσ δὲ τῶν στρατιωτέων ὅσοι αὐτοὶ τε κουφότατοι καὶ κουφότατα ὡπλισμένοι τοῦ τε νέειν δαημονέστατοι, τούτουσ δὲ ἐκνήξασθαι κελεύει ἀπὸ συνθήματοσ.

πρόσταγμα δέ σφισιν ἦν, ὅκωσ τισ ἐκνηξάμενοσ σταίη ἐν τῷ ὕδατι, προσμένειν τὸν παραστάτην οἱ ἐσόμενον, μηδὲ ἐμβάλλειν πρόσθε ἐσ τοὺσ βαρβάρουσ, πρὶν ἐπὶ τριῶν ἐσ βάθοσ ταχθῆναι τὴν φάλαγγα·

τότε δὲ δρόμῳ ἐπιέναι ἀλαλάζοντασ. ἅμα δὲ ἐρρίπτεον ἑωυτοὺσ οἱ ἐπὶ τῷδε τεταγμένοι ἐκ τῶν νεῶν ἐσ τὸν πόντον, καὶ ἐνήχοντο ὀξέωσ, καὶ ἵσταντο ἐν κόσμῳ, καὶ φάλαγγα ἐκ σφῶν ποιησάμενοι δρόμῳ ἐπῄεσαν αὐτοὶ τε ἀλαλάζοντεσ τῷ Ἐνυαλίῳ καὶ οἱ ἐπὶ τῶν νεῶν συνεπήχεον, τοξεύματά τε καὶ ἀπὸ μηχανέων βέλεα ἐφέρετο ἐσ τοὺσ βαρβάρουσ.

οἳ δὲ τήν τε λαμπρότητα τῶν ὅπλων ἐκπλαγέντεσ καὶ τῆσ ἐφόδου τὴν ὀξύτητα καὶ πρὸσ τῶν τοξευμάτων τε καὶ τῶν ἄλλων βελέων βαλλόμενοι, οἱᾶ δὴ ἡμίγυμνοι ἄνθρωποι, οὐδὲ ὀλίγον ἐσ ἀλκὴν τραπέντεσ ἐγκλίνουσι.

καὶ οἱ μὲν αὐτοῦ φεύγοντεσ ἀποθνήσκουσιν, οἳ δὲ καὶ ἁλίσκονται· ἔστι δὲ οἳ καὶ διέφυγον ἐσ τὰ οὔρεα. ἦσαν δὲ οἱ ἁλόντεσ τά τε ἄλλα δασέεσ καὶ τὰσ κεφαλάσ, καὶ τοὺσ ὄνυχασ θηριώδεεσ·

τοῖσι γὰρ δὴ ὄνυξιν ὅσα σιδήρῳ διαχρᾶσθαι ἐλέγοντο καὶ τοὺσ ἰχθύασ τούτοισι παρασχίζοντεσ κατεργάζεσθαι καὶ τῶν ξύλων ἃσαμαλθακώτερα. τὰ δὲ ἄλλα τοῖαι λίθοισι τοῖσιν ὀξέσιν ἔκοπτον· σίδηροσ γὰρ αὐτοῖσιν οὐκ ἦν. ἐσθῆτα δὲ ἐφόρεον δέρματα θηρήια, οἳ δὲ καὶ ἰχθύων τῶν μεγάλων τὰ παχέα.

일치하는 문장이 없습니다.

SEARCH

MENU NAVIGATION