헬라어 문장 검색 - Αρριαν́Ινδιξά22́

(아리아노스, Indica, chapter 22)

ἅμα τε ὁ ἄνεμοσ ἐπαύσατο καὶ οἳ ἀνήγοντο. καὶ περαιωθέντεσ σταδίουσ ἐσ ἑξήκοντα ὁρμίζονται πρὸσ αἰγιαλῷ ψαμμώδεϊ· νῆσοσ δὲ ἐπῆν τῷ αἰγιαλῷ ἐρήμη. ταύτην δὲ πρόβλημα ποιησάμενοι ὡρμίσθησαν· Δόμαι οὔνομα τῇ νήσῳ.

ὕδωρ δὲ οὐκ ἦν ἐν τῷ αἰγιαλῷ, ἀλλὰ προελθόντεσ ἐσ τὴν μεσογαίην ὅσον· εἴκοσι σταδίουσ ἐπιτυγχάνουσιν ὕδατι καλῷ. τῇ δὲ ὑστεραίῃ ἐσ νύκτα αὐτοῖσιν ὁ πλόοσ ἐγίνετο ἐσ Σάραγγα σταδίουσ τριηκοσίουσ, καὶ ὁρμίζονται πρὸσ αἰγιαλῶ, καὶ ὕδωρ ἦν ἀπὸ τοῦ αἰγιαλοῦ ὅσον ὀκτὼ σταδίουσ.

ἐνθένδε πλώσαντεσ ὁρμίζονται ἐν Σακάλοισι, τόπῳ ἐρήμῳ.

ὁ δὲ λιμὴν μέγασ καὶ εὔκυκλοσ καὶ βαθὺσ καὶ ἄκλυστοσ, ὁ δὲ ἔσπλοοσ ἐσ αὐτὸν στεινόσ.

τοῦτον τῇ γλώσσῃ τῃ ἐπιχωρίῃ Γυναικῶν λιμένα ἐκάλεον, ὅτι γυνὴ τοῦ χώρου τούτου πρώτη ἐπῆρξεν. ὡσ δὲ διὰ τῶν σκοπέλων διεξέπλωον, κύμασί τε μεγάλοισιν ἐνέκυρσαν καὶ τῇ θαλάσσῃ ῥοώδεϊ.

ἀλλὰ ἐκπεριπλῶσαι γὰρ ὑπὲρ τοὺσ σκοπέλουσ μέγα ἔργον ἐφαίνετο. ἐσ δὲ τὴν ὑστεραίην ἔπλωον νῆσον ἐν ἀριστερῇ ἔχοντεσ πρὸ τοῦ πελάγεοσ οὕτω τι τῷ αἰγιαλῷ συναφέα ὥστε εἰκάσαι ἂν διώρυχα εἶναι τὸ μέσον τοῦ τε αἰγιαλοῦ καὶ τῆσ νήσου·

στάδιοι οἱ πάντεσ ἑβδομήκοντα τοῦ διεκπλόου. καὶ ἐπί τε τοῦ αἰγιαλοῦ δένδρεα ἦν πολλὰ καὶ δασέα, καὶ ἡ νῆσοσ ὕλῃ παντοίῃ σύσκιοσ. ὑπὸ δὲ τὴν ἑώ ἔπλωον ἔξω τῆσ νήσου κατὰ ῥηχίην στεινήν·

ἔτι γὰρ ἀνάπωτισ κατεῖχε. πλώσαντεσ δὲ ἐσ ἑκατὸν καὶ εἴκοσι σταδίουσ ὁρμίζονται ἐν τῷ στόματι τοῦ Ἀράβιοσ ποταμοῦ· καὶ λιμὴν μέγασ καὶ καλὸσ πρὸσ τῷ στόματι· ὕδωρ δὲ οὐκ ἦν πότιμον· τοῦ γὰρ Ἀράβιοσ αἱ ἐκβολαὶ ἀναμεμιγμέναι τῷ πόντῳ ἦσαν. ἀλλὰ τεσσαράκοντα σταδίουσ ἐσ τὸ ἄνω προχωρήσαντεσ λάκκῳ ἐπιτυγχάνουσι, καὶ ἔνθεν ὑδρευσάμενοι ὀπίσω ἀπενόστησαν.

νῆσοσ δὲ ἐπὶ τῷ λιμένι ὑψηλὴ καὶ ἐρήμη, καὶ περὶ ταύτην ὀστρέων τε καὶ ἰχθύων παντοδαπῶν θήρη. μέχρι μὲν τοῦδε Ἀράβιεσ, ἔσχατοι Ἰνδῶν ταύτῃ ᾠκισμένοι, τὰ δὲ ἀπὸ τοῦδε Ὠρεῖται ἐπεῖχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 22

(아리아노스, Indica, chapter 22)

상위

목록

SEARCH

MENU NAVIGATION