Arrian, Indica, chapter 42

(아리아노스, Indica, chapter 42)

ἐνθαῦτα ἀγγέλλεται Ἀλέξανδρον ἐπὶ Σούσων στέλλεσθαι. ἔνθεν καὶ αὐτοὶ τὸ ὀπίσω ἔπλωον, ὡσ κατὰ τὸν Πασιτίγριν ποταμὸν ἀναπλώσαντεσ συμμῖξαι Ἀλεξάνδρῳ. ὃσ ῥέων ἐξ Ἀρμενίων ταρὰ πόλιν Νῖνον, πάλαι ποτὲ μεγάλην καὶ εὐδαίμονα, τὴν μέσην ἑωυτοῦ τε καὶ τοῦ Εὐφράτεω ποταμοῦ ‐ ἥν Μεσοποταμίην ἐπὸ τῷδε κληίζεσθαι ‐ ἀπείργει.

ἀπὸ δὲ τῆσ λίμνησ ἐσ αὐτὸν τὸν ποταμὸν στάδιοι ἑξακόσιοι, ἵνα καὶ κώμη τῆσ Σουσίδοσ, ἣν καλέουσιν Ἄγινιν·

αὕτη δὲ ἀπέχει Σούσων σταδίουσ ἐσ πεντακοσίουσ. μῆκοσ τοῦ παραπλόου τῆσ Σουσίων γῆσ ἔστε ἐπὶ τὸ στόμα τοῦ Πασιτίγριδοσ ποταμοῦ στάδιοι δισχίλιοι. ἐνθένδε κατὰ τὸν Πασιτίγριν ἀνέπλωον διὰ χώρησ οἰκεομένησ καὶ εὐδαίμονοσ.

ἀναπλώσαντεσ δὲ σταδίουσ ὡσ πεντήκοντα καὶ ἑκατὸν ὁρμίζονται, προσμένοντεσ οὕστινασ ἐστάλκει Νέαρχοσ σκεψομένουσ ἵνα ὁ βασιλεὺσ εἰή. αὐτὸσ δὲ ἔθυε θεοῖσι τοῖσι σωτῆρσι, καὶ ἀγῶνα ἐποίεε, καὶ ἡ στρατιὴ ἡ ναυτικὴ πᾶσα ἐν εὐθυμίῃσιν ἦν.

ὡσ δὲ προσάγων ἤδη Ἀλέξανδροσ ἠγγέλλετο, ἔπλωον αὖθισ ἐσ τὸ ἄνω κατὰ τὸν ποταμόν·

καὶ πρὸσ τῇ σχεδίῃ ὁρμίζονται, ἐπ̓ ἧσ τὸ στράτευμα διαβιβάσειν ἔμελλεν Ἀλεξανδροσ ἐσ Σοῦσα. ἐνθαῦτα ἀνεμίγη ὁ στρατόσ, καὶ θυσίαι πρὸσ Ἀλεξάνδρου ἐθύοντο ἐπὶ τῶν νεῶν τε καὶ τῶν ἀνθρώπων τῇ σωτηρίῃ, καὶ ἀγῶνεσ ἐποιέοντο·

καὶ Νέαρχοσ ὅκου παραφανείη τῆσ στρατιῆσ, ἄνθεσί τε καὶ ταινίῃσιν ἐβάλλετο. ἔνθα καὶ χρυσέῳ στεφάνῳ στεφανοῦνται ται ἐξ Ἀλεξάνδρου Νέαρχόσ τε καὶ Λεόννατοσ, Νέαρχοσ μὲν ἐπὶ τοῦ ναυτικοῦ τῇ σωτηρίῃ, Λεόννατοσ δὲ ἐπὶ τῇ νίκῃ, ἥν Ὠρείτασ τε ἐνίκησε καὶ τοὺσ Ὠρείτῃσι προσοικέοντασ βαρβάρουσ.

οὕτω μὲν ἀπεσώθη Ἀλεξάνδρῳ ἐκ τοῦ Ἰνδοῦ τῶν ἐκβολέων ὁρμηθεὶσ ὁ στρατόσ.

SEARCH

MENU NAVIGATION