Arrian, Indica, chapter 39

(아리아노스, Indica, chapter 39)

ἐνθένδε ὁρμηθέντεσ ἐσ Ιἕρατιν πόλιν ἀπίκοντο, ἐσ χῶρον οἰκεόμενον. ἑπτακόσιοι καὶ πεντήκοντα στάδιοι ὁ πλόοσ· ὡρμίσθησαν δὲ ἐν διώρυχι ἀπὸ τοῦ ποταμοῦ ἐμβεβλημένῃ ἐσ θάλασσαν, ᾗ οὔνομα ἦν Ἠράτεμισ. ἅμα δὲ ἡλίῳ ἀνίσχοντι παραπλώουσιν ἐσ ποταμὸν χειμάροον, οὔνομα Πάδαργον, ὁ δὲ χῶροσ χερσόνησοσ ἅπασ.

καὶ ἐν αὐτῷ κῆποί τε πολλοὶ καὶ ἀκρόδρυα παντοῖα ἐφύετο· οὔνομα τῷ χώρῳ Μεσαμβρίη. ἐκ Μεσαμβρίησ δὲ ὁρμηθέντεσ καὶ διεκπλώσαντεσ σταδίουσ μάλιστα ἐσ διηκοσίουσ ἐσ Ταόκην ὁρμίζονται ἐπὶ ποταμῷ Γράνιδι.

καὶ ἀπὸ τούτου ἐσ τὸ ἄνω τὰ Περσέων βασιλήια ἦν, ἀπέχοντα τοῦ ποταμοῦ τῶν ἐκβολέων σταδίουσ ἐσ διηκοσίουσ. κατὰ τοῦτον τὸν παράπλοον λέγει Νέαρχοσ ὀφθῆναι κῆτοσ ἐκβεβλημένον ἐσ τὴν ἠιόνα, καὶ τοῦτο προσπλώσαντάσ τινασ τῶν ναυτέων ἐκμετρῆσαι καὶ φάναι εἶναι πήχεων πεντήκοντα·

δέρμα δὲ αὐτῷ εἶναι φολιδωτόν, οὕτω τι ἐσ βάθοσ ἧκον, ὥστε καὶ ἐπὶ πῆχυν ἐπέχειν·

ὄστρεά τε καὶ λοπάδασ καὶ φυκία πολλά ἔχειν ἐπιπεφυκότα. καὶ δελφῖνασ λέγει ὅτι κατορᾶν ἦν πολλοὺσ ἀμφὶ τῷ κήτεϊ, καὶ τῶν ἐν τῇ ἔσω θαλάσσῃ μέζονασ τοὺ δελφῖνασ. ἐνθένδε ὁρμηθέντεσ κατάγονται ἐσ Ῥόγονιν ποταμὸν χειμάρροον ἐν λιμέντ εὐόρμῳ·

μῆκοσ τοῦ παραπλόου στάδιοι διηκόσιοι. ἐνθένδε τετρακοσίουσ σταδίουσ διεκπλώσαντεσ αὐλίζονται ἐν ποταμῷ χειμαρρόῳ·

Βρίξανα τῷ ποταμῷ οὔνομα. ἐνθαῦτα χαλεπῶσ ὡρμίσαντο, ὅτι ῥηχίη ἦν καὶ βραχέα, καὶ χοιράδεσ ἐκ τοῦ πόντου ἀνεῖχον. ἀλλὰ ὅτε ἡ πλήμμυρα ἐπῄει, τότε ὡρμίσαντο· ὑπονοστήσαντοσ δὲ τοῦ ὕδατοσ, ἐπὶ ξηροῦ ὑπελείφθησαν αἱ νέεσ.

ἐπεὶ δὲ ἡ πλημμυρὶσ ἐν τάξι ἀμείβουσα ἐπανῆλθε, τότε δὴ ἐκπλώσαντεσ ὁρμίζονται ἐπὶ ποταμῷ· οὔνομα σὲ τῷ ποταμῷ Ὀροάτισ.

μέγιστοσ δὲ τῶν ποταμῶν, ὡσ λέγει Νέαρχοσ, ὅσοι ἐν τῷ παραπλόῳ τῷδε ἐμβάλλουσιν ἐσ τὸν ἔξω πόντον.

SEARCH

MENU NAVIGATION