Arrian, Indica, chapter 38

(아리아노스, Indica, chapter 38)

μέχρι τοῦδε Καρμανίη· τὰ δὲ ἀπὸ τοῦδε Πέρσαι ἔχουσι. μῆκοσ τοῦ πλόου παρὰ τὴν Καρμανίων χώρην στάδιοι τρισχίλιοι καὶ ἑπτακόσιοι. ζώουσι δὲ κατάπερ Πέρσαι, ὅτι καὶ ὅμουροί εἰσι Πέρσῃσι· καὶ τὰ ἐσ τὸν πόλεμον ὡσαύτωσ κοσμέονται. ἐνθένδε ἄραντεσ παρὰ τὴν Περσίδα ἤδη ἔπλωον, καὶ κατάγονται ἐσ Ἴλαν χῶρον, ἵνα λιμὴν πρὸσ νήσου σμικρῆσ καὶ ἐρήμησ γίνεται·

οὔνομα τῇ νήσῳ Καΐκανδροσ, ὁ δὲ πλόοσ στάδιοι τετρακόσιοι. ὑπὸ δὲ τὴν ἑώ ἐσ ἄλλην νῆσον πλώσαντεσ ὁρμίζονται οἰκεομένην, ἵνα καὶ μαργαρίτην θηρᾶσθαι λέγει Νέαρχοσ κατάπερ ἐν τῇ Ἰνδῶν θαλάσσῃ.

ταύτησ τῆσ νήσου τὴν ἄκρην παραπλώσαντεσ σταδίουσ ὡσ τεσσαράκοντα, ἐνθαῦτα ὡρμίσθησαν. ἐνθένδε πρὸσ οὔρεϊ ὁρμίζονται ὑψηλῷ ‐ Ὦχοσ οὔνομα τῷ οὔρεϊ ‐ ἔν λιμένι εὐόρμῳ, καὶ ἁλιέεσ αὐτόθι ᾤκεον.

καὶ ἔνθεν πλώσαντεσ σταδίουσ τετρακοσίουσ τε καὶ πεντήκοντα, ὁρμίζονται ἐν Ἀποστάνοισι·

καὶ πλοῖα πολλὰ αὐτόθι ὡρ́μεε, κώμη τε ἐπῆν ἀπέχουσα ἀπὸ θαλάσσησ σταδίουσ ἑξήκοντα. νυκτὸσ δέ ἄραντεσ ἐνθεῦτεν ἐσπλώουσιν ἐσ κόλπον συνοικεόμενον πολλῇσι κώμῃσι.

στάδιοι τοῦ πλόου τετρακόσιοι· ὁρμίζονται δὲ πρὸσ ὑπωρείῃ. ταύτῃ φοίνικέσ τε πολλοὶ ἐπεφύκεσαν καὶ ὅσα ἄλλα ἀκρόδρυα ἐν τῇ Ἑλλάδι φύεται. ἐνθένδε ἄραντεσ ἐσ Γώγανα παραπλώουσι σταδίουσ μάλιστα ἐσ ἑξακοσίουσ ἐσ χώρην οἰκεομένην·

ὁρμίζονται δέ ποταμοῦ χειμαρρόου ‐ οὔνομα δέ οἱ Ἀρεών ‐ ἐν τῇσιν ἐκβολῇσιν. ἐνθαῦτα χαλεπῶσ ὁρμίζονται· στεινὸσ γὰρ ἦν ὁ ἔσπλοοσ κατὰ τὸ στόμα, ὅτι βραχέα τὰ κύκλῳ αὐτοῦ ἡ ἀνάπωτισ ἐποίεε. καὶ ἔνθεν αὖ ἐν στόματι ἄλλου ποταμοῦ ὁρμίζονται, διεκπλώσαντεσ σταδίουσ ἐσ ὀκτακοσίουσ·

Σιτακὸσ οὔνομα τῷ ποταμῷ ἦν. ἀλλὰ οὐδὲ ἐν τούτῳ εὐμαρέωσ ὁρμίζονται, καὶ ὁ πλόοσ ἅπασ οὗτοσ ὁ παρὰ τὴν Περσίδα βραχέα τε ἦν καὶ ῥηχίη καὶ τενάγεα. ἐνθαῦτα σῖτον καταλαμβάνουσι πολλὸν συγκεκομισμένον κατὰ πρόσταξιν τοῦ βασιλέοσ, ὡσ σφίσιν εἶναι ἐπισιτίσασθαι·

ἐνθαῦτα ἔμειναν ἡμέρασ τὰσ πάσασ μίαν καὶ εἴκοσι, καὶ τὰσ νέασ ἀνειρυσάμενοι, ὅσαι μὲν ἐπεπονήκεσαν ἐπεσκεύαζον, τὰσ δὲ ἄλλασ ἐθεράπευον.

SEARCH

MENU NAVIGATION