헬라어 문장 검색 - Αρριαν́Ινδιξά38́

(아리아노스, Indica, chapter 38)

μέχρι τοῦδε Καρμανίη· τὰ δὲ ἀπὸ τοῦδε Πέρσαι ἔχουσι. μῆκοσ τοῦ πλόου παρὰ τὴν Καρμανίων χώρην στάδιοι τρισχίλιοι καὶ ἑπτακόσιοι. ζώουσι δὲ κατάπερ Πέρσαι, ὅτι καὶ ὅμουροί εἰσι Πέρσῃσι· καὶ τὰ ἐσ τὸν πόλεμον ὡσαύτωσ κοσμέονται. ἐνθένδε ἄραντεσ παρὰ τὴν Περσίδα ἤδη ἔπλωον, καὶ κατάγονται ἐσ Ἴλαν χῶρον, ἵνα λιμὴν πρὸσ νήσου σμικρῆσ καὶ ἐρήμησ γίνεται·

οὔνομα τῇ νήσῳ Καΐκανδροσ, ὁ δὲ πλόοσ στάδιοι τετρακόσιοι. ὑπὸ δὲ τὴν ἑώ ἐσ ἄλλην νῆσον πλώσαντεσ ὁρμίζονται οἰκεομένην, ἵνα καὶ μαργαρίτην θηρᾶσθαι λέγει Νέαρχοσ κατάπερ ἐν τῇ Ἰνδῶν θαλάσσῃ.

ταύτησ τῆσ νήσου τὴν ἄκρην παραπλώσαντεσ σταδίουσ ὡσ τεσσαράκοντα, ἐνθαῦτα ὡρμίσθησαν. ἐνθένδε πρὸσ οὔρεϊ ὁρμίζονται ὑψηλῷ ‐ Ὦχοσ οὔνομα τῷ οὔρεϊ ‐ ἔν λιμένι εὐόρμῳ, καὶ ἁλιέεσ αὐτόθι ᾤκεον.

καὶ ἔνθεν πλώσαντεσ σταδίουσ τετρακοσίουσ τε καὶ πεντήκοντα, ὁρμίζονται ἐν Ἀποστάνοισι·

καὶ πλοῖα πολλὰ αὐτόθι ὡρ́μεε, κώμη τε ἐπῆν ἀπέχουσα ἀπὸ θαλάσσησ σταδίουσ ἑξήκοντα. νυκτὸσ δέ ἄραντεσ ἐνθεῦτεν ἐσπλώουσιν ἐσ κόλπον συνοικεόμενον πολλῇσι κώμῃσι.

στάδιοι τοῦ πλόου τετρακόσιοι· ὁρμίζονται δὲ πρὸσ ὑπωρείῃ. ταύτῃ φοίνικέσ τε πολλοὶ ἐπεφύκεσαν καὶ ὅσα ἄλλα ἀκρόδρυα ἐν τῇ Ἑλλάδι φύεται. ἐνθένδε ἄραντεσ ἐσ Γώγανα παραπλώουσι σταδίουσ μάλιστα ἐσ ἑξακοσίουσ ἐσ χώρην οἰκεομένην·

ὁρμίζονται δέ ποταμοῦ χειμαρρόου ‐ οὔνομα δέ οἱ Ἀρεών ‐ ἐν τῇσιν ἐκβολῇσιν. ἐνθαῦτα χαλεπῶσ ὁρμίζονται· στεινὸσ γὰρ ἦν ὁ ἔσπλοοσ κατὰ τὸ στόμα, ὅτι βραχέα τὰ κύκλῳ αὐτοῦ ἡ ἀνάπωτισ ἐποίεε. καὶ ἔνθεν αὖ ἐν στόματι ἄλλου ποταμοῦ ὁρμίζονται, διεκπλώσαντεσ σταδίουσ ἐσ ὀκτακοσίουσ·

Σιτακὸσ οὔνομα τῷ ποταμῷ ἦν. ἀλλὰ οὐδὲ ἐν τούτῳ εὐμαρέωσ ὁρμίζονται, καὶ ὁ πλόοσ ἅπασ οὗτοσ ὁ παρὰ τὴν Περσίδα βραχέα τε ἦν καὶ ῥηχίη καὶ τενάγεα. ἐνθαῦτα σῖτον καταλαμβάνουσι πολλὸν συγκεκομισμένον κατὰ πρόσταξιν τοῦ βασιλέοσ, ὡσ σφίσιν εἶναι ἐπισιτίσασθαι·

ἐνθαῦτα ἔμειναν ἡμέρασ τὰσ πάσασ μίαν καὶ εἴκοσι, καὶ τὰσ νέασ ἀνειρυσάμενοι, ὅσαι μὲν ἐπεπονήκεσαν ἐπεσκεύαζον, τὰσ δὲ ἄλλασ ἐθεράπευον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 38

(아리아노스, Indica, chapter 38)

상위

목록

SEARCH

MENU NAVIGATION