Arrian, Indica, chapter 37

(아리아노스, Indica, chapter 37)

ὡσ δὲ αὐτῷ τὰ θεῖα ἐν κόσμῳ ἐπεποίητο, οὕτω δὴ ἀνήγοντο. παραπλώσαντεσ δὲ νῆσον ἐρήμην τε καὶ τρηχέαν ἐν ἄλλῃ νήσῳ ὁρμίζονται, μεγάλῃ ταύτῃ καὶ οἰκεομένῃ, πλώσαντεσ σταδίουσ τριηκοσίουσ ἔνθενπερ ὡρμήθησαν. καὶ ἡ μὲν ἐρήμη νῆσοσ Ὄργανα ἐκαλέετο, ἐσ ἣν δὲ ὡρμίσθησαν Οἄρακτα.

ἄμπελοί τε ἐν αὐτῇ ἐπεφύκεσαν καὶ φοίνικεσ, καὶ σιτοφόροσ ἦν· τὸ δὲ μῆκοσ τῆσ νήσου στάδιοι ὀκτακόσιοι. καὶ ὁ ὕπαρχοσ τῆσ νήσου Μαζήνησ συνέπλωεν αὐτοῖσι μέχρι Σούσων, ἐθελοντὴσ ἡγεμὼν τοῦ πλόου. ἐν ταύτῃ τῇ νήσῳ ἔλεγον καὶ τοῦ πρώτου δυναστεύσαντοσ τῆσ χώρησ ταύτησ δείκνυσθαι τὸν τάφον·

οὔνομα δὲ αὐτῷ Ἐρύθρην εἶναι. ἀπ̓ ὅτου καὶ τὴν ἐπωνυμίην τῇ θαλάσσῃ ταύτῃ εἶναι. ἐνθένδε ἄραντεσ ἔπλωον·

καὶ τῆσ νήσου παραπλώσαντεσ ὅσον διηκοσίουσ σταδίουσ ὁρμίζονται ἐν αὐτῇ αὖθισ, καὶ κατορέουσιν ἄλλην νῆσον, ἀπέχουσαν τῆσ μεγάλησ ταύτησ τεσσαράκοντα μάλιστα σταδίουσ. Ποσειδῶνοσ ἱρὴ ἐλέγετο εἶναι καὶ ἄβατοσ. ὑπὸ δὲ τὴν ἑώ ἀνήγοντο, καὶ καταλαμβάνει αὐτοὺσ ἀνάπωτισ οὕτω τι καρτερή, ὥστε τρεῖσ τῶν νεῶν ἐποκείλασαι ἐν τῷ ξηρῷ ἐσχέθησαν, αἱ δὲ ἄλλαι χαλεπῶσ διεκπλώουσαι τὰσ ῥηχίασ ἐσ τὰ βάθεα ἀπεσώθησαν.

αἱ δὲ ἐποκείλασαι τῆσ πλημμυρίδοσ ἐπιγενομένησ αὖθισ ἐξέπλωσάν τε καὶ δευτεραῖαι κατήγοντο ἵναπερ ὁ πᾶσ στόλοσ.

ὁρμίζονται δὲ ἐσ νῆσον ἄλλην, διέχουσαν τῆσ ἠπείρου ὅσον τριηκοσίουσ σταδίουσ, πλώσαντεσ τετρακοσίουσ.

ἐνθεῦτεν ὑπὸ τὴν ἑώ ἔπλωον, νῆσον ἐρήμην ἐν ἀριστερῇ παραμείβοντεσ·

οὔνομα δὲ τῇ νήσῳ Πύλωρα. καὶ ὁρμίζονται πρὸσ Σισιδώνῃ, πολιχνίῳ σμικρῷ καὶ πάντων ἀπόρῳ, ὅτι μὴ ὕδατοσ καὶ ἰχθύων· ἰχθυοφάγοι γὰρ καὶ οὗτοι ὑπ̓ ἀναγκαίησ ἦσαν, ὅτι πονηρὴν γῆν νέμονται. ἐνθένδε ὑδρευσάμενοι καταίρουσιν ἐσ Ταρσίην ἄκρην ἀνατείνουσαν ἐσ τὸ πέλαγοσ, πλώσαντεσ σταδίουσ τριηκοσίουσ.

ἐνθένδε ἐσ Καταίην, νῆσον ἐρήμησ, ἁλιτενέα· αὕτη ἱρὴ Ἑρμέω καὶ Ἀφροδίτησ ἐλέγετο·

στάδιοι τοῦ πλόου τριηκόσιοι. ἐσ ταύτην ὅσα ἔτη ἀπίεται ἐκ τῶν περιοίκων πρόβατα καὶ αἶγεσ ἱρὰ τῷ Ἑρμέῃ καὶ τῇ Ἀφροδίτῃ, καὶ ταῦτα ἀπηγριωμένα ἦν ὁρᾶν ὑπό χρόνου τε καὶ ἐρημίησ.

일치하는 문장이 없습니다.

SEARCH

MENU NAVIGATION