헬라어 문장 검색 - Αρριαν́Ινδιξά32́

(아리아노스, Indica, chapter 32)

ὑπὲρ δὲ τοὺσ Ἰχθυοφάγουσ Ραδρώσιοι ἐσ τὸ ἄνω οἰκέουσι γῆν πονηρὴν καὶ ψαμμώδεα, ἔνθα καὶ τὰ πολλὰ κακὰ ἡ στρατιή τε Ἀλεξάνδρῳ ἔπαθε καὶ αὐτὸσ Ἀλέξανδροσ, ὥσ μοι ἤδη ἐν τῷ ἄλλῳ λόγῳ ἀπήγηται. ὡσ δὲ ἐσ τὴν Καρμανίην ἀπὸ τῶν Ἰχθυοφάγων κατῆρεν ὁ στρατόσ, ἐνθαῦτα ἵνα πρῶτον τῆσ Καρμανίησ ὡρμίσαντο, ἐπ̓ ἀγκυρέων ἐσάλευσαν, ὅτι ῥηχίη παρετέτατο ἐσ τὸ πέλαγοσ τρηχέα.

ἐνθένδε οὐκέτι ὡσαύτωσ πρὸσ ἡλίου δυομένου ἔπλωον, ἀλλὰ τὸ μεταξὺ δύσιόσ τε ἡλίου καὶ τῆσ ἄρκτου μᾶλλόν τι αἱ πρῷραι αὐτοῖσιν ἐπεῖχον.

καὶ ἡ Καρμανίη τῶν Ἰχθυοφάγων τῆσ γῆσ καὶ τῶν Ὠρειτέων εὐδενδροτέρη τε καὶ εὐκαρποτέρη ἐστί, καὶ ποιώδησ μᾶλλόν τι καὶ εὐύδροσ.

ὁρμίζονται δὲ ἐν Βάδει χώρῳ τῆσ Καρμανίησ οἰκεομένῳ, δένδρεά τε πολλὰ ἥμερα ἔχοντι πλὴν ἐλαίησ, καὶ ἀμπέλουσ ἀγαθάσ, καὶ σιτοφόρῳ.

ἐνθένδε ὁρμηθέντεσ καὶ διεκπλώσαντεσ σταδίουσ ὀκτακοσίουσ, πρὸσ αἰγιαλῷ ὁρμίζονται ἐρήμῳ, καὶ κατορέουσιν ἄκρην μακρὴν ἀνέχουσαν ἐπὶ πολλὸν ἐσ τὸ πέλαγοσ·

ἀπέχειν δὲ ἐφαίνετο ἡ ἄκρη πλόον ὡσ ἡμέρησ. καὶ οἱ τῶν χώρων ἐκείνων δαήμονεσ Ἀραβίησ ἔλεγον τὴν ἀνέχουσαν ταύτην ἄκρην, καλέεσθαι δὲ Μάκετα·

ἔνθεν τὰ κιννάμωμά τε καὶ ἄλλα τοιουτότροπα ἐσ Ἀσσυρίουσ ἀγινέεσθαι. καὶ ἀπὸ τοῦ αἰγιαλοῦ τούτου, ἵναπερ ὁ στόλοσ ἐσάλευε, καὶ τῆσ ἄκρησ, ἥντινα καταντικρὺ ἀπεώρων ανέχουσαν ἐσ τὸ πέλαγοσ, ὁ κόλποσ ‐ ἐμοί τε δοκέει καὶ Νεάρχῳ ὡσαύτωσ ἐδόκεεν ‐ ἐσ τὸ ἔσω ἀναχέεται, ὅπερ οἰκὸσ ἡ Ἐρυθρὴ θάλασσα.

ταύτην τὴν ἄκρην ὡσ κατεῖδον, Ὀνησίκριτοσ μὲν ἐπέχοντασ ἐπ̓ αὐτὴν πλώειν ἐκέλευεν, ὡσ μὴ κατὰ τὸν κόλπον ἐλαστρεῦντασ ταλαιπωρέεσθαι.

Νέαρχοσ δὲ ὑποκρίνεται νήπιον εἶναι Ὀνησίκριτον, εἰ ἀγνοέει ἐπ̓ ὅτῳ ἐστάλη πρὸσ Ἀλεξάνδρου ὁ στόλοσ.

οὐ γὰρ ὅτι ἀπορίη ἦν πεζῇ διασωθῆναι πάντα αὐτῷ τὸν στρατόν, ἐπὶ τῷδε ἄρα ἐκπέμψαι τὰσ νέασ, ἀλλὰ ἐθέλοντα αἰγιαλούσ τε τοὺσ κατὰ τὸν παράπλοον κατασκέψασθαι καὶ ὁρ́μουσ καὶ νησῖδασ, καὶ ὅστισ κόλποσ ἐσέχοι, ἐκπεριπλῶσαι τοῦτον, καὶ πόλιασ ὅσαι ἐπιθαλάσσιαι, καὶ εἴ τισ ἔγκαρποσ γῆ καὶ εἴ τισ ἐρήμη.

σφᾶσ ὦν οὐ χρῆναι ἀφανίσαι τὸ ἔργον, πρὸσ τέρματι ἤδη ἐόντασ τῶν πόνων, ἄλλωσ τε οὐδὲ ἀπόρωσ ἔτι τῶν ἀναγκαίων ἐν τῷ παραπλόῳ ἔχοντασ.

δεδιέναι τε, ἐπεὶ ἡ ἄκρη ἐσ μεσαμβρίην ἀνέχοι, μὴ ἐρήμῃ τε τῇ ταύτῃ γῇ καὶ ἀνύδρῳ καὶ φλογώδεϊ ἐγκύρσειαν. ταῦτα ἐνίκα, καί μοι δοκέει περιφανέωσ σῶσαι τὴν στρατιὴν τῇδε τῇ βουλῇ Νέαρχοσ·

τὴν γὰρ δὴ ἄκρην ἐκείνην καὶ τὴν πρὸσ αὐτῇ χώρην πᾶσαν ἐρήμην τε εἶναι λόγοσ κατέχει καὶ ὕδατοσ ἀπορίῃ ἔχεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 32

(아리아노스, Indica, chapter 32)

상위

목록

SEARCH

MENU NAVIGATION