헬라어 문장 검색 - Αρριαν́Ινδιξά31́

(아리아노스, Indica, chapter 31)

εὖτε δὲ παρέπλωον τὴν χώρην τὴν Ἰχθυοφάγων, λόγον ἀκούουσι περὶ νήσου τινόσ ἣ κέεται μὲν ἀπέχουσα τῆσ ταύτῃ ἠπείρου σταδίουσ ἐσ ἑκατόν, ἐρήμη δέ ἐστιν οἰκητόρων. ταύτην ἱρὴν Ἡλίου ἔλεγον εἶναι οἱ ἐπιχώριοι καὶ Νόσαλα καλέεσθαι, οὐδέ τινα ἀνθρώπων καταίρειν ἐθέλειν ἐσ αὐτήν·

ὅστισ δὲ ἂν ἀπειρίῃ προσσχῇ, γίνεσθαι ἀφανέα. ἀλλὰ λέγει Νέαρχοσ κέρκουρόν σφιν ἕνα πλήρωμα ἔχοντα Αἰγυπτίων οὐ πόρρω τῆσ νήσου ταύτησ γενέσθαι ἀφανέα, καὶ ὑπὲρ τούτου τοὺσ ἡγεμόνασ τοῦ πλόου ἰσχυρίζεσθαι ὅτι ἄρα κατάραντεσ ὑπ̓ ἀγνοίησ ἐσ τὴν νῆσον γένοιντο ἀφανέεσ.

Νέαρχοσ δὲ πέμπει κύκλῳ περὶ τῆν νῆσον τριηκόντορον, κελεύσασ μὴ κατασχεῖν μὲν ἐσ τὴν νῆσον, ἐμβοᾶν δὲ τοῖσ ἀνθρώποισ ὡσ μάλιστα ἐν χρῷ παραπλώοντασ, καὶ τὸν κυβερνήτην οὐνομάζοντασ καὶ ὅτου ἄλλου οὐκ ἀφανὲσ τὸ οὔνομα.

ὡσ δὲ οὐδένα ὑπακούειν, τότε δὴ αὐτὸσ λέγει πλῶσαι ἐσ τὴν νῆσον, καὶ κατασχεῖν προσαναγκάσαι τοὺσ ναύτασ οὐκ ἐθέλοντασ, καὶ ἐκβῆναι αὐτὸσ καὶ ἐλέγξαι κενὸν μῦθον ἐόντα τὸν περὶ τῇ νήσῳ λόγον.

ἀκοῦσαι δὲ καὶ ἄλλον λόγον λεγόμενον, οἰκῆσαι τὴν νῆσον ταύτην μίαν τῶν Νηρηίδων·

τὸ δὲ οὔνομα οὐ λέγεσθαι τῆσ Νηρηίδοσ. ταύτῃ δὲ ὅστισ πελάσειε, τούτῳ δὲ συγγίνεσθαι μέν, ἰχθὺν δὲ αὐτὸν ἐξ ἀνθρώπου ποιέουσαν ἐμβάλλειν ἐσ τὸν πόντον. Ἥλιον δὲ ἀχθεσθέντα τῇ Νηρηίδι κελεύειν μετοικίζεσθαι αὐτὴν ἐκ τῆσ νήσου·

τὴν δὲ ὁμολογέειν μὲν ὅτι ἐξοικισθήσεται, δέεσθαι δέ οἱ τὸ πάθημα παυθῆναι, καὶ τὸν Ἥλιον ὑποδέξασθαι· τοὺσ δὲ σὴ ἀνθρώπουσ οὕστινασ ἰχθύασ ἐξ ἀνθρώπων ἐπεποιήκει κατελεήσαντα ἀνθρώπουσ αὖθισ ἐξ ἰχθύων ποιῆσαι, καὶ ἀπὸ τούτων τῶν Ἰχθυοφάγων τὸ γένοσ καὶ ἐσ Ἁλέξανδρον κατελθεῖν.

καὶ ταῦτα ὅτι ψεύδεα ἐξελέγχει Νέαρχοσ, οὐκ ἐπαινέω αὐτὸν ἔγωγε τῆσ σχολῆσ τε καὶ σοφίησ, οὔτε κάρτα χαλεπὰ ἐξελεγχθῆναι ἐόντα, ταλαίπωρόν τε ἐὸν γινώσκων τοὺσ παλαιοὺσ λόγουσ ἐπιλεγόμενον ἐξελέγχειν ἐόντασ ψευδέασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 31

(아리아노스, Indica, chapter 31)

상위

목록

SEARCH

MENU NAVIGATION