Arrian, Indica, chapter 28

(아리아노스, Indica, chapter 28)

προσάγοντι δὲ αὐτῷ πρὸσ τὰ τείχεα φιλίωσ ξείνια ἔφερον ἐκ τῆσ πόλιοσ θύννουσ τε ἐν κριβάνοισιν ὀπτούσ ‐ οὗτοι γὰρ ἔσχατοι τῶν Ἰχθυοφάγων οἰκέοντεσ πρῶτοι αὐτοῖσιν ὤφθησαν οὐκ ὠμοφαγέοντεσ ‐ καὶ πέμματα ὀλίγα καὶ βαλάνουσ φοινίκων. ὃ δὲ ταῦτα μὲν ἄσμενοσ δέκεσθαι ἔφη, ἐθέλειν δὲ θεήσασθαι τὴν πόλιν·

οἳ δὲ εἰών παρελθεῖν. ὡσ δὲ ἔσω πυλέων παρῆλθε, δύο μὲν τῶν τοξοτέων κατέχειν κελεύει τὴν πυλίδα, αὐτὸσ δὲ μετὰ δυοῖν ἄλλοιν καὶ τοῦ ἑρμηνέοσ ἐπὶ τὸ τεῖχοσ τὸ ταύτῃ ἀνελθὼν ἐσήμηνε τοῖσιν ἀμφὶ Ἀρχίην ὅκωσ συνεκέετο.

τὸν μὲν ὦν σημῆναι, τὸν δὲ συμβαλόντα ποιέειν τὸ τεταγμένον. ἰδόντεσ δὲ τὸ σημήιον οἱ Μακεδόνεσ ἐπώκελλόν τε κατὰ τάχοσ τὰσ νέασ καὶ ἐξεπήδων σπουδῇ ἐσ τὴν θάλασσαν, οἱ δὲ βάρβαροι ἐκπλαγέντεσ τοῖσι γινομένοισιν ἐπὶ τὰ ὅπλα ἔθεον.

ὁ δὲ ἑρμηνεὺσ ὁ σὺν Νεάρχῳ ἐκήρυσσε σῖτον δοῦναι τῇ στρατιῇ, εἰ σῴην ἐθέλουσιν ἔχειν τὴν πόλιν·

οἳ δὲ ἠρνέοντο εἶναι σφίσι, καὶ ἅμα προσέβαλλον τῷ τείχεϊ. ἀλλὰ ἀνέστελλον αὐτοὺσ οἱ τοξόται οἱ ἀμφὶ Νέαρχον, ἐξ ὑπερδεξίου τοξεύοντεσ. ὡσ δὲ ἔμαθον ἐχομένην τε ἤδη καὶ ὅσον οὔπω ἀνδραποδισθησομένην σφίσι τὴν πόλιν, τότε δὴ ἐδέοντο τοῦ Νεάρχου, τὸν μὲν σῖτον ὅσπερ ἦν αὐτοῖσι λαβόντα ἀπαγαγεῖν, τὴν πόλιν δὲ μὴ διαφθεῖραι.

Νέαρχοσ δὲ τὸν μὲν Ἀρχίην κελεύει καταλαβεῖν τὰσ πύλασ καὶ τὸ κατ̓ αὐτὰσ τεῖχοσ, αὐτὸσ δὲ συμπέμπει τοὺσ κατοψομένουσ τὸν σῖτον εἰ ἀδόλωσ δεικνῦσιν.

οἳ δὲ τὸ μὲν ἀπὸ τῶν ἰχθύων τῶν ὀπτῶν ἀληλεσμένον ἄλευρον πολλὸν ἐδείκνυν, πυροὺσ δὲ καὶ κριθὰσ ὀλίγασ·

καὶ γὰρ ἐτύγχανον σίτῳ μὲν τῷ ἀπὸ τῶν ἰχθύων, τοῖσι δὲ ἄρτοισιν ὅσα ὄψῳ διαχρεόμενοι. ὡσ δὲ τὰ ἐόντα ἐπεδείκνυν, οὕτω δὴ ἐκ τῶν παρεόντων ἐπισιτισάμενοι ἀνήγοντο, καὶ ὁρμίζονται πρὸσ ἄκρῃ, ἥντινα οἱ ἐπιχώριοι ἱρὴν Ἡλίου ἦγον·

οὔνομα τῇ ἄκρῃ Βάγεια.

SEARCH

MENU NAVIGATION