헬라어 문장 검색 - Αρριαν́Ινδιξά28́

(아리아노스, Indica, chapter 28)

προσάγοντι δὲ αὐτῷ πρὸσ τὰ τείχεα φιλίωσ ξείνια ἔφερον ἐκ τῆσ πόλιοσ θύννουσ τε ἐν κριβάνοισιν ὀπτούσ ‐ οὗτοι γὰρ ἔσχατοι τῶν Ἰχθυοφάγων οἰκέοντεσ πρῶτοι αὐτοῖσιν ὤφθησαν οὐκ ὠμοφαγέοντεσ ‐ καὶ πέμματα ὀλίγα καὶ βαλάνουσ φοινίκων. ὃ δὲ ταῦτα μὲν ἄσμενοσ δέκεσθαι ἔφη, ἐθέλειν δὲ θεήσασθαι τὴν πόλιν·

οἳ δὲ εἰών παρελθεῖν. ὡσ δὲ ἔσω πυλέων παρῆλθε, δύο μὲν τῶν τοξοτέων κατέχειν κελεύει τὴν πυλίδα, αὐτὸσ δὲ μετὰ δυοῖν ἄλλοιν καὶ τοῦ ἑρμηνέοσ ἐπὶ τὸ τεῖχοσ τὸ ταύτῃ ἀνελθὼν ἐσήμηνε τοῖσιν ἀμφὶ Ἀρχίην ὅκωσ συνεκέετο.

τὸν μὲν ὦν σημῆναι, τὸν δὲ συμβαλόντα ποιέειν τὸ τεταγμένον. ἰδόντεσ δὲ τὸ σημήιον οἱ Μακεδόνεσ ἐπώκελλόν τε κατὰ τάχοσ τὰσ νέασ καὶ ἐξεπήδων σπουδῇ ἐσ τὴν θάλασσαν, οἱ δὲ βάρβαροι ἐκπλαγέντεσ τοῖσι γινομένοισιν ἐπὶ τὰ ὅπλα ἔθεον.

ὁ δὲ ἑρμηνεὺσ ὁ σὺν Νεάρχῳ ἐκήρυσσε σῖτον δοῦναι τῇ στρατιῇ, εἰ σῴην ἐθέλουσιν ἔχειν τὴν πόλιν·

οἳ δὲ ἠρνέοντο εἶναι σφίσι, καὶ ἅμα προσέβαλλον τῷ τείχεϊ. ἀλλὰ ἀνέστελλον αὐτοὺσ οἱ τοξόται οἱ ἀμφὶ Νέαρχον, ἐξ ὑπερδεξίου τοξεύοντεσ. ὡσ δὲ ἔμαθον ἐχομένην τε ἤδη καὶ ὅσον οὔπω ἀνδραποδισθησομένην σφίσι τὴν πόλιν, τότε δὴ ἐδέοντο τοῦ Νεάρχου, τὸν μὲν σῖτον ὅσπερ ἦν αὐτοῖσι λαβόντα ἀπαγαγεῖν, τὴν πόλιν δὲ μὴ διαφθεῖραι.

Νέαρχοσ δὲ τὸν μὲν Ἀρχίην κελεύει καταλαβεῖν τὰσ πύλασ καὶ τὸ κατ̓ αὐτὰσ τεῖχοσ, αὐτὸσ δὲ συμπέμπει τοὺσ κατοψομένουσ τὸν σῖτον εἰ ἀδόλωσ δεικνῦσιν.

οἳ δὲ τὸ μὲν ἀπὸ τῶν ἰχθύων τῶν ὀπτῶν ἀληλεσμένον ἄλευρον πολλὸν ἐδείκνυν, πυροὺσ δὲ καὶ κριθὰσ ὀλίγασ·

καὶ γὰρ ἐτύγχανον σίτῳ μὲν τῷ ἀπὸ τῶν ἰχθύων, τοῖσι δὲ ἄρτοισιν ὅσα ὄψῳ διαχρεόμενοι. ὡσ δὲ τὰ ἐόντα ἐπεδείκνυν, οὕτω δὴ ἐκ τῶν παρεόντων ἐπισιτισάμενοι ἀνήγοντο, καὶ ὁρμίζονται πρὸσ ἄκρῃ, ἥντινα οἱ ἐπιχώριοι ἱρὴν Ἡλίου ἦγον·

οὔνομα τῇ ἄκρῃ Βάγεια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 28

(아리아노스, Indica, chapter 28)

상위

목록

SEARCH

MENU NAVIGATION