헬라어 문장 검색 - Αρριαν́Ινδιξά27́

(아리아노스, Indica, chapter 27)

ἐνθένδε κατηγεμὼν τοῦ πλόου λέγει Νέαρχοσ ὅτι συνέπλωσεν αὐτοῖσιν Ὑδράκησ οὔνομα, Γαδρώσιοσ· ὑπέστη δὲ Ὑδράκησ καταστήσειν αὐτοὺσ μέχρι Καρμανίησ. τὰ δὲ ἀπὸ τοῦδε οὐκέτι χαλεπὰ ἦν, ἀλλὰ μᾶλλόν τι εὐόρμα, ἔστε ἐπὶ τὸν κόλπον τὸν Περσικόν. ἐκ δὲ Μοσαρνῶν νυκτὸσ ἄραντεσ πλώουσι σταδίουσ ἑπτακοσίουσ καὶ πεντήκοντα ἐσ Βάλωμον αἰγιαλόν·

ἐνθένθε ἐσ Βάρνα κώμην σταδίουσ τετρακοσίουσ, ἵνα φοίνικέσ τε πολλοὶ ἐνῆσαν καὶ κῆποσ, καὶ ἐν τῷ κήπῳ μύρσιναι ἐπεφύκεσαν καὶ ἄλλα ἄνθεα, ἀπ̓ ὅτων στεφανώματα τοῖσι κωμήτῃσιν ἐπλέκετο· ἐνθένδε ἐσ διηκοσίουσ σταδίουσ περιπλώσαντεσ καταίρουσιν ἐσ Δενδρόβοσα, καὶ αἱ νέεσ ἐπ̓ ἀγκυρέων ἐσάλευσαν.

ἐνθένδε ἀμφὶ μέσασ νύκτασ ἄραντεσ ἐσ Κώφαντα λιμένα ἀπίκοντο, τετρακοσίουσ μάλιστα σταδίουσ διεκπλώσαντεσ·

ἐνθαῦτα ἁλιέεσ τε ᾤκεον, καὶ πλοῖα αὐτοῖσιν ἦν σμικρὰ καὶ πονηρά·

καὶ τῇσι κώπῃσιν οὐ κατὰ σκαλμὸν ἤρεσσον ὡσ ὁ Ἑλλήνων νόμοσ, ἀλλὰ τὸ ὕδωρ ἀναβάλλοντεσ ἔνθεν καὶ ἔνθεν, κατάπερ οἱ σκάπτοντεσ τὴν γῆν. ὕδωρ δὲ πολλόν τε ἦν ἐν τῷ λιμένι καὶ καθαρόν. περὶ δὲ πρώτην φυλακὴν ἄραντεσ καταίρουσιν ἐσ Κύιζα, ἐσ ὀκτακοσίουσ σταδίουσ δίεκπλώσαντεσ, ἵνα αἰγιαλόσ τε ἔρημοσ ἦν καὶ ῥηχίη.

αὐτόθι ὦν ἐπ̓ ἀγκυρέων ὡρ́μεον, κατὰ νέασ τε ἐδειπνοποιέοντο. ἐνθένδε διεκπλώσαντεσ σταδίουσ πεντακοσίουσ ἀπίκοντο ἔσ τινα πόλιν σμικρήν, οἰκεομένην ἐπὶ γηλόφου οὐ πόρρω τοῦ αἰγιαλοῦ.

καὶ Νέαρχοσ ἐπιφρασθεὶσ ὅτι σπείρεσθαι τὴν χώρην οἰκόσ, λέγει πρὸσ Ἀρχίην ‐ συνέπλωε δὲ Νεάρχῳ, τῶν ἐν αἴνῃ ἐὼν Μακεδόνων ‐ πρὸσ τοῦτον λέγει ὅτι καταληπτέον σφίσιν εἰή τὸ χωρίον·

ἑκόντασ τε γὰρ οὐκ ἂν οἰέσθαι δοῦναι τῇ στρατιῇ σιτία, βίῃ τε οὐκ οἱο͂́ν τε εἶναι ἐξαιρέειν, πολιορκίησ δὲ καὶ τριβῆσ δεήσειν, σφᾶσ δὲ ἐπιλελοιπέναι τὰ σιτία.

ὅτι δὲ ἡ γῆ σιτοφόροσ, τῇ καλάμῃ τεκμηριοῦσθαι, ἥντινα οὐ πόρρω τοῦ αἰγιαλοῦ ἀπεώρων βαθέαν. ταῦτα ἐπεί σφισιν ἐδόκεε, τὰσ μὲν ἄλλασ νέασ κελεύει παραρτέεσθαι ὡσ ἐσ πλόον, καὶ Ἀρχίησ αὐτῷ ἐξήρτυε τὰ ἐσ τὸν πλόον· αὐτὸσ δὲ ὑπολειφθεὶσ μετὰ μιῆσ νεὸσ ἐπὶ θέαν δῆθεν τῆσ πόλιοσ ᾔει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Indica, chapter 27

(아리아노스, Indica, chapter 27)

상위

목록

SEARCH

MENU NAVIGATION