Arrian, Indica, chapter 26

(아리아노스, Indica, chapter 26)

ἐπὶ δὲ Ὠρείτῃσι κατὰ μὲν μεσογαίην Γαδρώσιοι ἐπεῖχον, ὧν τὴν χώρην χαλεπῶσ διεξῆλθεν ἅμα τῇ στρατιῇ Ἀλέξανδροσ, καὶ κακὰ τοσαῦτα ἔπαθεν, ὅσα οὐδὲ τὰ σύμπαντα τῆσ συμπάσησ στρατηλασίησ. ταῦτά μοι ἐν τῇ μέζονι συγγραφῇ ἀναγέγραπται. κάτα δὲ Γαδρωσίων. παρὰ τὴν θάλασσαν αὐτὴν οἱ Ἰχθυοφάγοι καλεόμενοι οἰκέουσι.

παρὰ τούτων τὴν γῆν ἔπλωον. τῇ μὲν δή πρώτῃ ἡμέρῃ περὶ δευτέρην φυλακήν ἀναχθέντεσ καταίρουσιν ἐσ Βαγίσαρα· στάδιοι τοῦ παραπλόου ἑξακόσιοι. λιμήν τε ἔνι αὐτόθι εὐόρμοσ, καὶ κώμη Πάσιρα, ἀπέχουσα ἀπὸ θαλάσσησ ἐξήκοντα σταδίουσ, καὶ οἱ πρόσοικοι αὐτῆσ Πασιρέεσ.

ἐσ δὲ τὴν ὑστεραίην πρωιαίτερον τῆσ ὡρ́ησ ἀναχθέντεσ περιπλώουσιν ἄκρην ἐπὶ πολλόν τε ἀνέχουσαν ἐσ τὸν πόντον καὶ ταύτην ὑψηλὴν καὶ κρημνώδεα.

φρέατα δὲ ὀρύξαντεσ, ὕδωρ ὀλίγον καὶ πονηρὸν ἀρυσάμενοι ταύτῃ μὲν τῇ ἡμέρῃ ἐπὶ ἀγκυρέων ὡρ́μεον, ὅτι ῥηχίη κατὰ τὸν αἰγιαλὸν ἀνεῖχεν·

ἐσ δὲ τήν ὑστεραίην καταίρουσιν ἐσ Κόλτα, σταδίουσ ἐλθόντεσ διηκοσίουσ.

ἐνθένδε ἑώθεν πλώσαντεσ σταδίουσ ἑξακοσίουσ ἐν Καλάμοισιν ὁρμίζονται. κώμη πρὸσ τῷ αἰγιαλῷ φοίνικεσ δὲ περὶ αὐτὴν ὀλίγοι ἐπεφύκεσαν, καὶ βάλανοι ἐπ̓ αὐτοῖσι χλωραὶ ἐπῆσαν. καὶ νῆσοσ ὡσ ἑκατὸν σταδίουσ ἀπὸ τοῦ αἰγιαλοῦ ἀπέχουσα, Καρνίνη οὔνομα. ἐνθαῦτα ξείνια Νεάρχῳ προσφέρουσιν οἱ κωμῆται πρόβατα καὶ ἰχθύασ·

καὶ τῶν προβάτων τὰ κρέα λέγει ὅτι ἦν ἰχθυώδεα, ἴσα τοῖαι τῶν ὀρνίθων τῶν πελαγίων, ὅτι καὶ αὐτὰ ἰχθύασ σιτέεται· ποίη γὰρ οὐκ ἔνι ἐν τῇ χώρῃ. ἀλλὰ τῇ ὑστεραίῃ πλώσαντεσ ἐσ σταδίουσ διηκοσίουσ ὁρμίζονται πρὸσ αἰγιαλῷ καὶ κώμῃ ἀπὸ θαλάσσησ ἐσ σταδίουσ τριήκοντα ἀπεχούσῃ·

ἡ μὲν κώμη Κίσσα ἐκαλέετο, Καρβὶσ δὲ τῷ αἰγιαλῷ οὔνομα ἦν. ἐνθαῦτα πλοίοισιν ἐπιτυγχάνουσι σμικροῖσιν, οἱᾶ ἁλιέων πλοῖα οὐκ εὐδαιμόνων·

αὐτοὺσ δὲ οὐ καταλαμβάνουσιν, ἀλλ̓ ἔφυγον γὰρ κατορμιζομένασ κατιδόντεσ τὰσ νέασ. σῖτόσ τε αὐτόθι οὐκ ἐνῆν, καἰ ἐπελελοίπει τὴν στρατιὴν ὁ πολλόσ· ἀλλὰ αἶγασ ἐμβαλόμενοι ἐσ τὰσ νέασ, οὕτω δὴ ἀπέπλωον. καὶ περιπλώσαντεσ ἄκρην ὑψηλὴν ὅσον πεντήκοντα καὶ ἑκατὸν σταδίουσ ἀνέχουσαν ἐσ τὸν πόντον, κατάγονται ἐν λιμένι ἀκλύστῳ. καὶ ὕδωρ αὐτόθι ἦν, καὶ ἁλιέεσ ᾤκεον· Μοσαρνὰ οὔνομα ἦν τῷ λιμένι.

SEARCH

MENU NAVIGATION