헬라어 문장 검색 - Αρριαν́Ινδιξά26́

(아리아노스, Indica, chapter 26)

ἐπὶ δὲ Ὠρείτῃσι κατὰ μὲν μεσογαίην Γαδρώσιοι ἐπεῖχον, ὧν τὴν χώρην χαλεπῶσ διεξῆλθεν ἅμα τῇ στρατιῇ Ἀλέξανδροσ, καὶ κακὰ τοσαῦτα ἔπαθεν, ὅσα οὐδὲ τὰ σύμπαντα τῆσ συμπάσησ στρατηλασίησ. ταῦτά μοι ἐν τῇ μέζονι συγγραφῇ ἀναγέγραπται. κάτα δὲ Γαδρωσίων. παρὰ τὴν θάλασσαν αὐτὴν οἱ Ἰχθυοφάγοι καλεόμενοι οἰκέουσι.

παρὰ τούτων τὴν γῆν ἔπλωον. τῇ μὲν δή πρώτῃ ἡμέρῃ περὶ δευτέρην φυλακήν ἀναχθέντεσ καταίρουσιν ἐσ Βαγίσαρα· στάδιοι τοῦ παραπλόου ἑξακόσιοι. λιμήν τε ἔνι αὐτόθι εὐόρμοσ, καὶ κώμη Πάσιρα, ἀπέχουσα ἀπὸ θαλάσσησ ἐξήκοντα σταδίουσ, καὶ οἱ πρόσοικοι αὐτῆσ Πασιρέεσ.

ἐσ δὲ τὴν ὑστεραίην πρωιαίτερον τῆσ ὡρ́ησ ἀναχθέντεσ περιπλώουσιν ἄκρην ἐπὶ πολλόν τε ἀνέχουσαν ἐσ τὸν πόντον καὶ ταύτην ὑψηλὴν καὶ κρημνώδεα.

φρέατα δὲ ὀρύξαντεσ, ὕδωρ ὀλίγον καὶ πονηρὸν ἀρυσάμενοι ταύτῃ μὲν τῇ ἡμέρῃ ἐπὶ ἀγκυρέων ὡρ́μεον, ὅτι ῥηχίη κατὰ τὸν αἰγιαλὸν ἀνεῖχεν·

ἐσ δὲ τήν ὑστεραίην καταίρουσιν ἐσ Κόλτα, σταδίουσ ἐλθόντεσ διηκοσίουσ.

ἐνθένδε ἑώθεν πλώσαντεσ σταδίουσ ἑξακοσίουσ ἐν Καλάμοισιν ὁρμίζονται. κώμη πρὸσ τῷ αἰγιαλῷ φοίνικεσ δὲ περὶ αὐτὴν ὀλίγοι ἐπεφύκεσαν, καὶ βάλανοι ἐπ̓ αὐτοῖσι χλωραὶ ἐπῆσαν. καὶ νῆσοσ ὡσ ἑκατὸν σταδίουσ ἀπὸ τοῦ αἰγιαλοῦ ἀπέχουσα, Καρνίνη οὔνομα. ἐνθαῦτα ξείνια Νεάρχῳ προσφέρουσιν οἱ κωμῆται πρόβατα καὶ ἰχθύασ·

καὶ τῶν προβάτων τὰ κρέα λέγει ὅτι ἦν ἰχθυώδεα, ἴσα τοῖαι τῶν ὀρνίθων τῶν πελαγίων, ὅτι καὶ αὐτὰ ἰχθύασ σιτέεται· ποίη γὰρ οὐκ ἔνι ἐν τῇ χώρῃ. ἀλλὰ τῇ ὑστεραίῃ πλώσαντεσ ἐσ σταδίουσ διηκοσίουσ ὁρμίζονται πρὸσ αἰγιαλῷ καὶ κώμῃ ἀπὸ θαλάσσησ ἐσ σταδίουσ τριήκοντα ἀπεχούσῃ·

ἡ μὲν κώμη Κίσσα ἐκαλέετο, Καρβὶσ δὲ τῷ αἰγιαλῷ οὔνομα ἦν. ἐνθαῦτα πλοίοισιν ἐπιτυγχάνουσι σμικροῖσιν, οἱᾶ ἁλιέων πλοῖα οὐκ εὐδαιμόνων·

αὐτοὺσ δὲ οὐ καταλαμβάνουσιν, ἀλλ̓ ἔφυγον γὰρ κατορμιζομένασ κατιδόντεσ τὰσ νέασ. σῖτόσ τε αὐτόθι οὐκ ἐνῆν, καἰ ἐπελελοίπει τὴν στρατιὴν ὁ πολλόσ· ἀλλὰ αἶγασ ἐμβαλόμενοι ἐσ τὰσ νέασ, οὕτω δὴ ἀπέπλωον. καὶ περιπλώσαντεσ ἄκρην ὑψηλὴν ὅσον πεντήκοντα καὶ ἑκατὸν σταδίουσ ἀνέχουσαν ἐσ τὸν πόντον, κατάγονται ἐν λιμένι ἀκλύστῳ. καὶ ὕδωρ αὐτόθι ἦν, καὶ ἁλιέεσ ᾤκεον· Μοσαρνὰ οὔνομα ἦν τῷ λιμένι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 26

(아리아노스, Indica, chapter 26)

상위

목록

SEARCH

MENU NAVIGATION